މެންޗެސްޓަރ ޔުނައިޓެޑަށް ކުޅެމުން އަންނަ ގަބްރިއެލް ޖީސޫސް ހޯދުމަށް އާސެނަލްއިން އޭނާގެ އޭޖެންޓާ މަޝްވަރާކޮށްފިކަމަށް ރިޕޯޓުތައް ބުނެފިއެވެ.
އުމުރުން 25 އަހަރުގެ ޖީސޫސްއާއެކު ސިޓީން ހަދާފައިވާ އެއްބަސްވުމުގެ މުއްދަތު, ކުރިއަށް އޮތް ސަމަރ ޓްރާންސްފަރ މާރކެޓް ފެށެންވާއިރަށް ހަމަވާނެއެވެ. އެހެންކަމުން ކުރިއަށް އޮތް ޓްރާންސްފަރ މާރކެޓުގައި ފްރީ އޭޖެންޓެއްގެ ގޮތުގައި އޭނާ ބޭނުން ކްލަބަކަށް ބަދަލުވުމުގެ ފުރުސަތު އެބައޮތެވެ.
އާސެނަލްއާއެކު ޖީސޫސްގެ އޭޖެންޓު މާސެލޯ ޕެޓިނާޓީ މަޝްވަރާކޮށްފައި ވާއިރު، އާސެނަލްގެ ހުށަހެޅުން އޭނާއަށް ކަމުދާ ކަމަށްވެސް ރިޕޯޓުތައް ބުނެއެވެ. އާސެނަލްއާއެކު އިތުރު މަޝްވަރާތައް ކުރިއަށްގެންދިއުމަށް ޕެޓިނާޓީ ނިންމާފައިވާއިރު، ސިޓީން މަސައްކަތް ކުރަމުން އަންނަނީ ޖީސޫސްގެ އެއްބަސްވުން އައުކުރުމަށެވެ. ނަމަވެސް މިހާތަނަށް ޖީސޫސް ވަކި ގޮތެއް ނިންމާފައެއް ނުވެއެވެ.
މި ސީޒަންގައި ޖީސޫސްވަނީ ސިޓީއަށް 13 ލަނޑު ޖަހައިދީފައެވެ. އޭގެ ތެރެއިން 8 ލަނޑު އޭނާ ޖެހީ ޕްރިމިއަރ ލީގުގައެވެ.
