ގްރޫޕް މަރާމާރީތަކާއި ގުޅިގެން 7 މީހަކު ހޯދަނީ
5 މެއި 2022 | ބުރާސްފަތި 06:59ބުރާސްފަތި ދުވަހު ފުލުހުން ވަނީ އެމީހުންގެ ވަނަވަރު އާންމުކޮށްފައި
ގްރޫޕް ހަދައިގެން ތޫނު ހަތިޔާރު ބޭނުންކޮށްގެން މާރާމާރީ ހިންގި މައްސަލައަކާ ގުޅިގެން ހޯދަމުންދާ މީހުން | ޕޮލިސް
ގްރޫޕް ހަދައިގެން ތޫނު ހަތިޔާރު ބޭނުންކޮށްގެން މާރާމާރީ ހިންގި މައްސަލައަކާ ގުޅިގެން ހަތް މީހަކު ހޯދަން ފުލުހުން އިއުލާނުކޮށްފިއެވެ.
ބުރާސްފަތި ދުވަހު ފުލުހުން ވަނީ އެމީހުންގެ ވަނަވަރު އާންމުކޮށްފައެވެ. އެގޮތުން އެމީހުން ހޯދަނީ ފުލުހުންގެ ސީރިއަސް އެންޑް އޮގަނައިޒްޑް ކްރައިމް ޑިޕާޓްމަންޓުން ތަހުގީގު ކުރަމުންދާ، ގްރޫޕް ހަދައިގެން ތޫނު ހަތިޔާރު ބޭނުންކޮށްގެން މާރާމާރީ ހިންގި މައްސަލައަކާ ގުޅިގެންކަމަށް ފުލުހުން ބުނެއެވެ.
މިމައްސަލައާ ގުޅިގެން ހޯދަމުންދާ ފަރާތްތައް:
މިމީހުންނާ ބެހޭ އެއްވެސް މައުލޫމާތެއް އެނގޭ ފަރާތެއްވާނަމަ ފުލުހުންގެ ހޮޓްލައިން ނަންބަރު 3322111 އަށް ނުވަތަ ސީރިއަސް އެންޑް އޮގަނައިޒްޑް ކްރައިމް ޑިޕާޓްމަންޓްގެ ނަންބަރު 9911099 އަށް ގުޅައި ހިއްސާކުރުމަށް ފުލުހުން ވަނީ އެދިފައެވެ. އަދި މިފަދަ ކަންކަމުގައި އާންމު ރައްޔިތުންގެ ފަރާތުން ފުލުހުންނަށް ލިބެމުންދާ އެއްބާރުލުން ފާހަގަކޮށް އެކަމަށް ވަނީ ޝުކުރު އަދާކޮށްފައެވެ.
ބުދަ ދުވަހުގެ ރޭ ހުޅުމާލޭގައިވެސް ވަނީ 2 މަރާމާރީއެއް ހިންގާފައެވެ. އެގޮތުން ފުރަތަމަ މާރާމާރީ ހިންގާފައިވަނީ ހުޅުމާލޭ ފޭސް 1ގައި ހުންނަ ލަޔަރ ރެސްޓޯރެންޓް ކައިރިންކަމަށާއި, ދެވަނަ މާރާމާރީ ހިންގާފައިވަނީ ފޭސް 2ގެ ބްރިޖު ކައިރީގައި ކަމަށް ފުލުހުން ވަނީ މައުލޫމާތުދީފައެވެ.
