އޭދަފުށި ފަޅުތެރެއިން މީހަކު މަރުވެފައި އޮއްވައި ފެނިއްޖެ
ބ. އޭދަފުށީ ބަނދަރު ސަރަހައްދު މޫދުގައި މަރުވެފައި އޮއްވާ ފެނުނީ އެ ރަށު ސީސަންގެ، އުމުރުން 82 އަހަރުގެ އަލީ އަބްދުﷲ. މިއަދު ހެނދުނު ފުލުހުންނަށް ރިޕޯޓުކުރި މި ހާދިސާއާ ގުޅިގެން ބަލަންޖެހޭ ކަންކަން އެ މުއައްސަސާއިން މިހާރު ދަނީ ތަހުގީގު ކުރަމުން.
އޭދަފުށި ފަޅުތެރޭ މޫދުން މަރުވެފައި އޮއްވާ ފެނުނު މީހާގެ ހަށިގަނޑު އެ ރަށަށް ގެންދަނީ. | އޭދަފުށި ޓައިމްސް
ބ. އޭދަފުށި ބަނދަރު ސަރަހައްދު މޫދުގައި 82 އަހަރުގެ މީހަކު ނިޔާވެފައި އޮއްވާ މިއަދު ހެނދުނު ފެނިއްޖެ އެވެ.
ފުލުހުން މައުލޫމާތު ދޭ ގޮތުގައި މި ހާދިސާގެ ރިޕޯޓު ފުލުހުންނަށް ލިބިފައިވަނީ އަންގާރަ ދުވަހު ހެނދުނު 7:55 ހާއިރު އެވެ. ފުލުހުން ބުނީ މޫދަގައި މަރުވެފައި އޮއްވާ ފެނިފައިވަނީ ބ. އޭދަފުށި، ސީސަންގެ، ޢަލީ ޢަބްދުﷲ (82އ) އެވެ.
މި ހާދިސާ އާ ގުޅޭ އިތުރު ތަފުސީލް ފުލުހުން ހާމަކޮށްފައެއް ނުވެ އެވެ.
ނަމަވެސް މި މަރުގެ މައްސަލަ ފުލުހުން ތަހުގީގު ކުރަމުން ދާ ކަމަށް މައުލޫމާތު ދީފައިވެ އެވެ.
