ބީޖީ ގަރާޖު ސަރަޙައްދުގައި މަރުވެފައި އޮތް މީހާއަކީ ކާކުކަން ދެނެގަނެފި
މަރުވެފައި އޮއްވާ އައިޖީއެމްއެޗަށް ގެންދިޔައީ ޅ. ހިންނަވަރަށް ނިސްބަތްވާ މީހެއް
މަރުވެފައި އޮތް މީހާ ގެންދިޔައީ އައިޖީއެމްއެޗަށް
މާފަންނު ބީޖީ ގަރާޖު ސަރަޙައްދުގައި މަރުވެފައި އޮތް މީހާއަކީ ކާކުކަން ދެނެގަނެފިއެވެ.
ފުލުހުން ބުނީ މަރުވެފައި އޮއްވާ އައިޖިއެމްއެޗަށް ގެންދިޔައީ ޅ. ހިންނަވަރަށް ނިސްބަތްވާ އުމުރުން 58 އަހަރުގެ މުހައްމަދު އިބްރާހިމް ނަކަމަށް ކިޔާ މީހެއްކަމަށެވެ. އަދި އެމީހާގެ އާއިލާގެ އެއްބާރުލުން ފުލުހުންނަށް ލިބެމުންދާ ކަމަށެވެ.
މެއި 4 ވަނަ ދުވަހުގެ އިރާކޮޅުގެ ވަގުތެއްގައި މާފަންނު މުރަނގަ މަގުގައި ހުންނަ ބީޖީ ގަރާޖު ސަރަޙައްދުން މަގުމައްޗަށް ވެއްޓިފައިވަނިކޮށް އައިޖީއެމްއެޗަށް ގެންދިޔަ އެމީހާއަކީ ކާކުކަން ދެނެގަނެވިފައި ނުވާތީ އެމީހާއާ ގުޅޭ މައުލޫމާތު ހިއްސާކުރުމަށް ފުލުހުން ބުދަ ދުވަހުގެރޭ އާންމުންގެ އެހީތެރިކަމަށް އެދިފައިވެއެވެ.
ފުލުހުން ދަނީ މިމައްސަލަ ތަހުޤީޤުކުރަމުންނެވެ.
