އިނގިރޭސި ޕްރިމިއަރ ލީގުގައި މެންޗެސްޓަރ ޔުނައިޓެޑާއި ޗެލްސީ ބައްދަލުކުރި މެޗު އެއްވަރުވެއްޖެއެވެ.

ޔުނައިޓެޑްގެ އޯލްޑް ޓްރެފޯޑް ސްޓޭޑިއަމްގައި ކުޅުނު މި މެޗު ނިމުނީ 1-1 ންނެވެ. ލަނޑު ޖެހުމަށްޓަކައި ދެޓީމުންވެސް ފުރަތަމަ ހާފުގައި ކުރި މަސައްކަތް ނާކާމިޔާބުވީއެވެ. ފުރަތަމަ ލަނޑުޖަހާ ލީޑު ނެގީ ޗެލްސީއިންނެވެ. މެޗުގެ 60 ވަނަ މިނެޓުގައި ޗެލްސީއަށް ލަނޑު ޖަހައިދިނީ މާކޯސް އަލޯންސޯއެވެ. ނަމަވެސް އޭގެ ދެމިނެޓު ފަހުން ޔުނައިޓެޑްގެ ތަރި ކްރިސްޓިއާނޯ ރޮނާލްޑޯ ވަނީ ލަނޑެއް ޖަހާ ޔުނައިޓެޑަށް ނަތީޖާ ހަމަހަމަ ކޮށްދީފައެވެ.

މި މެޗުގައި ނަތީޖާ ނުނެރެވުމުން ޔުނައިޓެޑަށް ވަނީ ގަދަ ހަތަރަކުން ޖާގަ ހޯދުމުގެ ފުރުސަތު ވަރަށް ބޮޑަށް ހަނިވެފައެވެ. މުބާރާތް ކާމިޔާބު ނުކިރެވޭނެކަން ޔަގީންވުމާއެކު ޔުނައިޓެޑުގެ އަމާޒަކަށްވެފައި އޮތީ ގަދަ ހަތަރަކުން ޖާގަ ހޯދާ އަންނަ ސީޒަންގެ ޗެމްޕިއަންސް ލީގަށް ކޮލިފައި ވުމަަށެވެ. މިއީ ޔުނައިޓެޑުން ތަށްޓެއް ނުލިބި ނިންމާލާ ފަސްވަނަ ސީޒަންއެވެ.

ތާވަލުގެ ހަވަނާގައި ޔުންިޓެޑް އޮތީ 35 މެޗުން ލިބުނު 55 ޕޮއިންޓާއެކުއެވެ. އެއަށްވުރެ ދެމެޗު މަދުން ކުޅެގެން ޓޮޓެންހަމް ފަސްވަނާގައި އޮތީ 58 ޕޮއިންޓު ހޯދައިގެންނެވެ. އާސެންލައިން ތާވަލުގެ ހަތަރުވަނާގައި 60 ޕޮއިންޓާއެކު އޮތްއިރު ޗެލްސީ ތިންވަނާގައި އޮތީ 66 ޕޮއިންޓު ހޯދައިގެންނެވެ.