މިދިޔަ މަހު ކުޑަކުދިންނަށް ކުރާ އަނިޔާއާ ގުޅޭ 126 މައްސަލައެއް
މިނިސްޓްރީއަށް ހުށަހަޅާފައިވަނީ ޖުމްލަ 266 މައްސަލައެއް
ރޯދަ މަހުގެ ހަވީރު މާލޭގެ އެކި ސަރަހައްދު
މިދިޔަ ފެބްރުއަރީ މަހު ކުޑަކުދިންނަށް ކުރާ އެކި ބާވަތުގެ އަނިޔާއާ ގުޅޭ 126 މައްސަލަ ރިޕޯޓުކޮށްފައިވާކަމަށް ޖެންޑަރ މިނިސްޓްރީން ބުނެފިއެވެ.
ޖެންޑަރ މިނިސްޓްރީން އާންމުކޮށްފައިވާ މާރޗް މަހުގެ ތަފާސްހިސާބުތައް ދައްކާގޮތުން އެ މަހު މިނިސްޓްރީއަށް ހުށަހަޅާފައިވަނީ ޖުމްލަ 266 މައްސަލައެކެވެ. މީގެ ތެރޭގައި އެންމެ ގިނައީ ކުޑަކުދިންނަށް ކުރާ އެކި ބާވަތުގެ އަނިޔާ އާއި ގުޅޭ މައްސަލަތައް ކަމުގައި ޖެންޑަރ މިނިސްޓްރީން ބުނެފައިވެއެވެ.
މި ބާވަތުގެ 266 މައްސަލައެއް ރިޕޯޓުކޮށްފައިވާއިރު، އިހުމާލުގެ މައްސަލަތަކުގެ ގޮތުގައި 26 މައްސަލަ ރިޕޯޓުކޮށްފައިވާކަމަށް ޖެންޑަރ މިނިސްޓްރީން ބުނެފައިވެއެވެ. ޖިންސީ ހާނިއްކައިގެ 40 މައްސަލަ، ގެވެށި އަނިޔާގެ އަމަލެއް ކުރާތަށް ކުއްޖަކަށް ދެއްކުން ނުވަތަ ފެނުމުގެ 4 މައްސަލަ، ޖިސްމާނީ ހާނިއްކައިގެ 27 މައްސަލަ، ނަފްސާނީ ހާނިއްކައިގެ 20 މައްސަލައާއި، އެހެން ކުދިންގެ ފަރާތުން ފުރައްސާރައިގެ ޝިކާރައަކަށްވުމުގެ 3 މައްސަލަ، އަދި ކުދިން ނަހަމަ ގޮތުގައި ބޭނުންކުރުމުގެ 3 މައްސަލަ ހުށަހަޅާފައިވެއެވެ.
ވަކި ޖިންސަކަށް ވީތީ ކުރާ އަނިޔާ އަދި ގެވެށި އަނިޔާގެ 31 މައްސަލަ މިނިސްޓްރީއަށް ހުށަހަޅާފައިވެއެވެ. މި ފަދަ މައްސަލަތަކުގެ ތެރެއިން އެންމެ ގިނައިން ރިޕޯޓުކޮށްފައި ވަނީ ޖިސްމާނީ އަނިޔާކުރުމުގެ މައްސަލަތައް ކަމަށް ޖެންޑަރ މިނިސްޓްރީން ބުނެފައިވެއެވެ. މިފަދަ 11 މައްސަލައެއް ހުށަހަޅާފައިވާއިރު، ނަފްސާނީ އަނިޔާކުރުން ނުވަތަ އަނގަބަހުން ކުރެވޭ އަނިޔާގެ 10 މައްސަލައާއި، ބިރުދެއްކުމުގެ 1 މައްސަލަ، ޖިންސީ ހާނިއްކަ ކުރުމުގެ 4 މައްސަލަ، އަދި އިހުމާލުގެ 4 މައްސަލަ ހިމެނޭ ކަމަށް ޖެންޑަރ މިނިސްޓްރީން ބުނެފައިވެއެވެ. ޖިިންސީ ފުރައްސާރަ ކުރުމުގެ 1 މައްސަލަ ވެސް ހިމެނެއެވެ.
އާއިލީ މައްސަލަތަކުގެ ގޮތުގައި 39 މައްސަލައެއް ހުށަހަޅާފައިވާ ކަމަށާއި، މީގެ ތެރޭގައި ހިމެނެނީ ކުދިން ބެލުމުގައި ޖެހޭ 21 މައްސަލައާއި، ކުދިންނާއި ބައްދަލުކުރުމުގައި ޖެހޭ 16 މައްސަލަ އަދި ދަރިންގެ ޚަރަދު ދިނުމުގައި ޖެހޭ 2 މައްސަލަކަމަށް މިނިސްޓްރީން ބުނެފައިވެއެވެ.
ނުކުޅެދުންތެރިކަން ހުންނަ ފަރާތްތަކާއި އުމުރުން ދުވަސްވީ މީހުނަށް އަޅައިލުމާއި އެހީތެރިކަން ބޭނުންވެގެން 28 މައްސަލަ ހުށަހަޅާފައިވާކަމަށް މިނިސްޓްރީގެ ތަފާސްހިސާބުން ހާމަވެފައިވެއެވެ. އެއީ ނުކުޅެދުންތެރިކަން ހުންނަ މީހުންނަށް އަޅައިލުމާއި އެހީތެރިކަން ބޭނުންވެގެން ހުށަހަޅައިފައިވާ 22 މައްސަލައާއި، އުމުރުން ދުވަސްވީ މީހުންނަށް އަޅައިލުމާއި އެހީތެރިކަން ބޭނުންވެގެން ހުށަހަޅައިފައިވާ 6 މައްސަލައެވެ.
މީގެ އިތުރުން ސިއްހީ ފަރުވާއަށް ހުރަސް އެޅުމުގެ މައްސަލައެއް މިދިޔަ މަހު ހުށަހަޅާފައިވާއިރު، ކުޑަކުދިންގެ އަޚުލާގާއި ގުޅުންހުރި 9 މައްސަލައެއް މިދިޔަ މަހު ހުށަހަޅާފައިވާކަމަށް ޖެންޑަރ މިނިސްޓްރީން ބުނެފައިވެއެވެ. މީގެ ތެރޭގައި ސްކޫލަށް ދާން ބޭނުންނުވުމުގެ 9 މައްސަލައާއި، ރުޅި ގަދަވެގެން އުޅުމުގެ 7 މައްސަލަ ހިމެނެއެވެ. އަދި އަމިއްލަ ނަފުސަށް ގެއްލުން ދިނުމާއި ގުޅޭ 23 މައްސަލައެއް ހުށަހަޅާފައިވާކަމަށް ޖެންޑަރ މިނިސްޓްރީން ހާމަކޮށްފައިވެއެވެ.
ޖެންޑަރ މިނިސްޓްރީން ބުނީ މާރޗް މަހުގެ ނިޔަލަށް ދަޢުލަތުގެ ބެލުމުގެ ދަށުގައި ތިބީ 200 ކުދިން ކަމަށެވެ. މާރޗް މަހުގައި 12 ކުއްޖަކު ދައުލަތުގެ ބެލުމުގެ ދަށަށް ނަގާފައިވެއެވެ. އަދި 1 ކުއްޖެއް ރީއިންޓަރގްރޭޓް ކުރެވި، 4 ކުއްޖަކު ފޯސްޓަރ ކުރެވިފައިވާ ކަމަށް މިނިސްޓްރީން ބުނެފައިވެއެވެ.
