ގަރާޖުގައި ރޯވި އަލިފާންގަނޑު ނިއްވާލައިފި
އަލިފާނުގެ ހާދިސާ ހިނގާފައިވާކަމުގެ މައުލޫމާތު ލިބިފައިވަނީ ބުރާސްފަތި ދުވަހުގެ ހަވީރު 16:26 ގައި
މާލޭގެ ގަރާޖެއްގައި އަލިފާނުގެ ހާދިސާއެއް ހިނގައިގެން ހަރަކާތްތެރިވަނީ
ގ. ނިއު ކޮލަމްބިއާ އާ އިންވެގެން ހުރި ގަރާޖުގައި ރޯވި އަލިފާންގަނޑު ނިއްވާލައިފިއެވެ.
އެމްއެންޑީއެފުން ބުނީ އަލިފާނުގެ ހާދިސާ ހިނގާފައިވާކަމުގެ މައުލޫމާތު ލިބިފައިވަނީ ބުރާސްފަތި ދުވަހުގެ ހަވީރު 16:26 ގައި ކަމަށެވެ. އަލިފާންގަނޑު ނިއްވާލާފައިވަނީ 16:53ގައި ކަމަށް އެމްއެންޑީއެފުން ބުނެއެވެ. މިހާދިސާގައި މީހަކަށް އަނިޔާއެއް ލިބިފައެއްނުވެއެވެ. ނަމަވެސް ގަރާޖުގައި ހުރި ތަކެއްޗަށް ބޮޑެތި ގެއްލުންތަކެއް ވެފައިވާކަމަށް އެމްއެންޑީއެފުން ބުނެއެވެ.
އަލިފާން ރޯވި ގަރާޖު ކުރިމަތީގައި ހުރި ސައިކަލެއްގައި ވަނީ ރޯވެ ބޭނުންނުކުރެވޭ ވަރަށް އަނދާފައެވެ. ގަރާޖުގައި ރޯވާން ފެށުމުން އެތަނާއި ކައިރީގައި ހުރި އިމާރާތްތަކުގައި ދިރިއުޅޭ މީހުން ވަނީ ބާލާފައެވެ. މަންޒަރުދުށް މީހުން މައުލޫމާތުދިން ގޮތުގައި ގަރާޖުގެ ތެރެއިން އެއްޗެހި ގޮވާއަޑު ވަނީ އިވިފައެވެ.
