ދެވަނަ ޓާމްގެ ކިޔެވުން ޖޫން 18 ގައި!
ސްކޫލުތަކުގެ ކިޔެވުން ބަންދުވަނީ ހަފްތާއަކަށް
މަޖީދިއްޔާ ސްކޫލު ކުދިން
ފުރަތަމަ ޓާމްގެ ކިޔެވުން ނިމި ސްކޫލު ކުދިންނަށް ފުރަތަމަ ޓާމްގެ ޗުއްޓީ އަށް ސްކޫލްތައް ބަންދުކޮށްފި އެވެ.
ސްކޫލުތަކުގެ ކިޔެވުން ހަފްތާއަކަށް ބަންދުވުމަށް ފަހު ދެވަނަ ޓާމްގެ ކިޔެވުން ފެށޭނީ މި ޖޫން މަހުގެ 18 ވަނަ ދުވަހު އެވެ. ސްކޫލުތަކުގެ ކިޔެވުން ހުޅުވުމަށް ފަހު އަނެއްކާވެސް ޖޫން 22 ވަނަ ދުވަހުގައި ސްކޫލުތަކުގެ ކިޔެވުން އީދު ބަންދަށް ބަންދުވާނެ އެވެ. އެހެން ކަމުން ދެވަނަ ޓާމްގެ ކިޔެވުން ފެށި ހަފްތާއެއް ފަހުން ސްކޫލުތަކުގެ ކިޔެވުން ބަންދުވާނެ އެވެ.
އީދު ބަންދަށް ފަހު ސްކޫލުތަކުގެ ކިޔެވުން ހުޅުވޭނީ އެހެން ސަރުކާރުގެ މުއައްސަސާތަކާ އެއްގޮތަށް ޖުލައި 2 ވަނަ ދުވަހު އެވެ.
ސްކޫލުތަކުގެ ފުރަތަމަ ޓާމްގެ ކިޔެވުން ބަންދުވެފައިވާ އިރު ބުރާސްފަތި ދުވަހު ވަނީ ސްކޫލުތަކުގެ ކުދިންނަށް ރިޕޯޓް ފޮތް ހަވާލުކޮށްފަ އެވެ.
ދިރާސީ އާ އަހަރުގެ ކިޔެވުން ފެށިފައިވަނީ ޖެނުއަރީ 8 ގައެވެ.
ސްކޫލުތަކުގެ މިޑް ޓާމް ބްރޭކް ވެފައިވަނީ މަރޗު މަހުގެ 19 އިން 23 އަށެވެ. ފުރަތަމަ ޓާމްގެ ކިޔެވުން ނިމިފައިވާ އިރު މިއަހަރުގެ ކިޔެވުން ނިމޭނީ ނޮވެމްބަރު މަހުގެ 23 ވަނަ ދުވަހު އެވެ.
ރާއްޖޭގެ އެކި ސަރަހައްދުތަކުގައި 212 ސަރުކާރު ސްކޫލުގައި ކުދިން އަންނަނީ ތައުލީމު ހާސިލުކުރަމުންނެވެ.
