ފުރަތަމަ ތަވައެއްގައި ބަޓަރުކޮޅު ދިޔާކޮށްލާށެވެ. ދެން އޭގެ ތެރެއަށް އެއް ސަމުސާ ހަކުރު އަޅައިގެން މުށި ކުލަވަންދެން ހަކުރުގަނޑު ކައްކާލާށެވެ. މަޑު ގިނީގައި ބަހައްޓައިގެން ރަނގަޅަށް ކެރަމަލްވުމުން ތަވާގެ ތެރެއަށް ފަހަރަކު އަލަނާސި ފޮއްޗެއް އަޅާ ފަތުރާލާށެވެ. 5 ވަރަކަށް މިނިޓް ބެހެއްޓުމަށްފަހު އުނދުން ނިއްވާލާށެވެ. ދެން ހިހޫވުމުން އަލަނާސީ ފޮތީގެ މެދުގައި އިންނަ ހުސް ބަޔަށް ޗެރީ ލާ ފިލްކޮށްލާށެވެ.

ކޭކް ފުށްގަނޑު ތައްޔާރު ކުރުމަށް ބޯތައްޓަކަށް ބިސް، ހަކުރު، ލޮނު، ވެނީލާ އެސެންސް އަޅައިގެން ހޭންޑް މިކްސްޗަރ އަކުން ގިރާލާށެވެ. ދެން އޭގެ ތެރެއަށް ތެޔޮ އަޅައިގެން ރަނގަޅަށް ގިރުމަށްފަހު، ކިރު އަޅައިގެން އަނެއްކާވެސް ގިރާލާށެވެ. ދެން ފުށާއި، ބޭކިންގ ޕައުޑަރ އަޅައިގެން ފުށްގަނޑު ގިރާލާށެވެ. ދެން ކުރިން ތައްޔާރު ކުރި އަލަނާސި ކެރަމަލްގެ މައްޗަށް ފުށްގަޑު އަޅާލާށެވެ. އެއަށްފަހު މަތި ޖަހައިގެން މަޑު ގިނީގައި 15 މިނިޓް ވަންދެން ފިހެލާށެވެ. އެއް ފަޅި ރޯފިލުމުން އަލަނާސި ބައި މައްޗަށްވާ ގޮތަށް ފުށުން ޖެހުމަށްފަހު 5 މިނިޓް ފިހެލާށެވެ. ތަވާގައި ފިހުމުގެ ބަދަލުގައި ކޭކް ފިހޭގޮތަށް އަވަން ސެޓް ކުރުމަށްފަހު ވެސް ފިހެވިދާނެވެ.