ޕާކިސްތާނުގެ ހަމަލާގައި އަފްޣާނިސްތާނުގެ 40 މީހުން މަރުވެއްޖެ
18 އެޕްރީލު 2022 | ހޯމަ 09:33މި ހަމަލާގައި ކުޑަ ކުދިންވެސް ވަނީ މަރުވެފައި
ޕާކިސްތާނުގެ ހަމަލާ ކުށްވެރިކޮށް އަފްޣާނިސްތާނު ރައްޔިތުން އިހުތިޖާޖު ކުރަނީ
ޕާކިސްތާނު ސިފައިން ވައިގެ މަގުން އަފްޣާނިސްތާނަށް ދިން ހަމަލާގައި އެގައުމުގެ 40 މީހުން މަރުވެފައިވާ ކަމަށް ރިޕޯޓުތައް ބުނެފިއެވެ.
ރިޕޯޓުތައް ބުނާ ގޮތުން ޕާކިސްތާނު ސިފައިން ވައިގެ މަގުން އަފްޣާނިސްތާނަށް ދިން ހަމަލާގައި 40 މީހުން މަރުވެ 100ށް ވުރެ ގިނަ މީހުންނަށް ވަނީ އަނިޔާވެފައެވެ. އަދި މަރުވި މީހުންގެ ތެރޭގައި ކުޑަ ކުދިންވެސް ހިމެނޭކަމަށް ރިޕޯޓުތައް ބުނެއެވެ.
މިއީ އަފްޣާނިސްތާނުގެ ކޮންޓްރޯލް ތާލިބާން ޖަމާއަތުން ނެގި ފަހުން ޕާކިސްތާނުން އެގައުމަށް ދިން ފުރަތަމަ ހަމަލާއެވެ.
މި ހަމަލާއާއި ގުޅިގެން ތާލިބާނުން ވަނީ ޕާކިސްތާން ސިފައިންގެ މި ހަމަލާ ކުއްވެރިކޮށް، މިގޮތަށް އަފްޣާނިސްތާނަށް ޕާކިސްތާނުން ހަމަލާދޭނަމަ، ކުރިއަށް އޮތްތަނުގައި ޕާކިސްތާނުން ހަނދާން ނުނެތޭ ވަރުގެ ބަދަލެއް ހިފާނެކަމުގެ އިންޒާރު ދީފައެވެ.
ޕާކިސްތާނުގެ މި އަމަލު ކުއްވެރިކޮށް އަފްޣާނިސްތާނުގެ ޚޯސްތު އަވަށުގައި ވަނީ މުޒާހަރާވެސް ކޮށްފައެވެ.
