ސިޓީ ބަލިކޮށް ލިވަޕޫލް އެފްއޭ ކަޕްގެ ފައިނަލް އަށް

އިނގިރޭސި އެފްއޭ ކަޕްގެ ސެމީ ފައިނަލުގައި ވަރުގަދަ މެންޗެސްޓަރ ސިޓީ ބަލިކޮށް ލިވަޕޫލް ފައިނަލްގެ ޖާގައެއް ކަށަވަރު ކޮށްފިއެވެ.

ވެމްބްލީ ސްޓޭޑިއަމްގައި ކުޅުނު މި މެޗު ލިވަޕޫލް ކާމިޔާބު ކުރީ 3-2 ންނެވެ. މެޗުގައި ފުރަތަމަ ލީޑު ނެގީވެސް ލިވަޕޫލްއެވެ. ފުރަތަމަ ހާފުގެ ނުވަ ވަނަ މިނެޓުގައި ލިވަޕޫލްއަށް ލީޑު ނަގައިދިނީ ކޮންޓޭއެވެ. ފުރަތަމަ ހާފު ނިމުމުގެ ކުރިން އެޓީމަށް ލީޑު ފުޅާ ކޮށްދިނީ ސަޑިއޯ މާނޭއެވެ. މި މެޗުގައި މާނޭ ދެލަނޑު ޖެހިއެވެ.

ސިޓީގެ ދެލަނޑުވެސް ޖެހީ ދެވަނަ ހާފުގައެވެ. ދެވަނަ ހާފު ފެށިގެން ދެވަނަ މިނެޓުގައި ސިޓީއަށް ފަރަގު ކުޑަ ކޮށްދިނީ ޖެކް ގްރީލިޝްއެވެ. މެޗުގެ އިތުރު ވަގުތުގައި ބާނާޑޯ ސިލްވާ ކާމިޔާބު ކޮށްދިން ލަނޑުން ސިޓީއަށް އުންމީދެއް ލިބުނެވެ. އެކަމަކު ފައިނަލަށް ދިއުމަށް ސިޓީ ކުރި މަސައްކަތް ވަނީ ނާކާނިޔާބު ވެފައެވެ.

މުބާރާތުގެ ދެވަނަ ސެމީ ފައިނަލުގައި އާދީއްތަ ދުވަހު ކުޅޭނީ ޗެލްސީ އާއި ކްރިސްޓަލް ޕެލެސްއެވެ. މި މެޗުން އޮންނާނީ ރާއްޖެ ގަޑިން 20:30 އެވެ. ފައިނަލުގައި ލިވަޕޫލް ވާދަ ކުރަން ޖެހޭނީ މިތަނުން މޮޅުވާ ޓީމަކާއެވެ.