ބާޒާރުގައި ކަރާ ކިލޯއެއްގެ އަގު 15 ރުފިޔާއަށް ތިރިވެއްޖެއެވެ.
ރަމަޟާން މަސް ފެށިގެން އައިއިރު ކަރާ ލިބުމަށް ދަތިވި ކަމަށް މާރުކޭޓުގެ ވިޔަފާރިވެރިން ބުނެފައިވެއެވެ. އެހެންކަމުން މާރުކޭޓުގައި ކަރާ ކިލޯއެއް ވިއްކާފައިވަނީ 25 ރުފިޔާއަށެވެ. ކަރާ ކިލޯއެއް 25 ރުފިޔާއަށް ވިއްކާތާ ގިނަ ދުވަސްތަކަކަށްފަހު މިހާރު މިވަނީ ކަރާގެ އަގު ތިރިވެފައެވެ.
މާރުކޭޓުން ރާއްޖެއެމްވީއާއި ވާހަކަދެއްކި ވިޔަފާރިވެރިއަކު ބުނީ މިހާރު އެއްވެސް ދައްޗެއް ނެތި ކަރާ ލިބެމުންދާކަމަށެވެ. ރަމަޟާން މަސް ފެށުނު އިރު ތޮއްޑޫ ކަރާ ލިބުމަށް ވަރަށް ދަތިވި ނަމަވެސް މިހާރު ތޮއްޑޫއިންވެސް ކަރާ ލިބެމުންދާކަމަށާއި މިހާރު ރާއްޖެއިންނާއި އިންޑިއާއިންވެސް ކަރާ ލިބެމުންދާކަމަށް އޭނާ ބުންޏެވެ.
ރާއްޖެ ކަރާ ގިނައިން ލިބޭ މިހާރު. މިހާރު ކަރާ ކިލޯއެއް ހުރީ 15 ރުފިޔާއަށްމާރުކޭޓުގެ ވިޔަފާރިވެރިއެއް
ރަމަޟާން މަސް ފެށުނުއިރު ބާޒާރުން ބައެއް ތަކެތި ލިބުމުގައި ދަތިކަން ހުރުމުން ބައެއް ތަކެތީގެ އަގު ވަރަށް ބޮޑުވިއެވެ. އެހެންނަމަވެސް މިހާރު ތަކެތި ލިބެމުންދާކަމަށް ވިޔަފާރިވެރިން ބުނަމުންދާއިރު މިމަހުގެ 08 ވަނަ ދުވަހުގެ އިރުއޮއްސި 06:00 އިން 09 ވަނަ ދުވަހުގެ އިރުއޮއްސި 06:00 އާއި ދެމެދު 94 ކޮންޓެއިނަރު ކްލިއަރ ކޮށްފައިވާކަމަށް އެމްޕީއެލްއިން ބުނެފައިވެއެވެ. މީގެ ތެރޭގައި ޕެރިޝަބަލް ކާގޯ ހިމެނޭ ކަމަށް އެމްޕީއެލްއިން ބުނެފައިވެއެވެ.
އެއް ދުވަސްތެރޭގައި 94 ކޮންޓެއިނަރު ކްލިއަރ ކޮށްފައިވާއިރު، މީގެ ތެރޭގައި ކަރާވެސް ހިމެނޭކަމަށް އެމްޕީއެލްއިން ބުނެފައިވެއެވެ. އަދި މާރުކޭޓުން ލިބުން ކޮންމެވެސް ވަރަކަށް ދަތި އަލަނާސިވެސް މި ކޮންޓެއިނަރުގެ ތެރޭގައި ހިމެނޭ ކަމަށް އެމްޕީއެލްއިން ބުނެފައިވެއެވެ.
