ކޫއްޑޫގައި ހުރި 50 މެޓްރިކް ޓަނުގެ ބާ ދަގަނޑު ނީލަން ކިޔަނީ
7 އެޕްރީލު 2022 | ބުރާސްފަތި 13:53ނީލަމުގައި ބައިވެރިވާ ކޮންމެފަރާތަކުންވެސް 10,000 ރުފިޔާގެ ޑިޕޮޒިޓެއް ދައްކަން ޖެހޭ
ކޫއްޑޫ
ކޫއްޑޫ ފިޝަރީޒް ކޮމްޕްލެކްސްގައިހުރި 50 މެޓްރިކްޓަންގެ ބާ ދަގަނޑު ނީލަމުގައި ވިއްކާލަން ނިންމާފައިވާކަމަށް މިފްކޯއިން ބުނެފިއެވެ.
ސިނާއީ އެންމެ ބޮޑު މަސައްކަތްކުރަމުން އަންނަ ކޫއްޑޫގައި ހުރި ބާ ދަގަނޑު ނީލަން ކިޔުމަށް ހަމަޖެހިފައިވަނީ، މެޓްރިކްޓަނަކަށް ހުށަހަޅާ އެންމެ މަތީއަގު ލިޔުމަކުން ހުށަހެޅުމުން، ހުށަހެޅިފައިވާ އެންމެ މަތީއަގަކުން ނީލަން ފަށައިގެން، ހާޒިރުވެ ތިބޭ މީހުންގެ މެދުގައި ނީލަން ކުރިއަށް ގެންދާގޮތަށެވެ.
ދަގަނޑުތައް ނީލަންކިޔުން އޮންނާނީ، 10 އޭޕްރީލް ވާ އާދީއްތަ ދުވަހުގެ ހެނދުނު 11.00 ގައި މިފްކޯ ހެޑް އޮފީހުގައެވެ.
ނީލަމުގައި ބައިވެރިވާ ކޮންމެފަރާތަކުންވެސް 10,000 ރުފިޔާގެ ޑިޕޮޒިޓެއް ދައްކަން ވާނެކަމަށް މިފްކޯއިން ބުނެއެވެ. ނީލަން ކާމިޔާބު ކުރާ ފަރާތުން، 10 އޭޕްރީލް ވާ އާދިއްތަ ދުވަހުން ފެށިގެން 07 (ހަތެއް) ދުވަހުގެތެރޭގައި، މިތަކެތި ގެންދިޔުމުގެ މަސައްކަތް ފަށަންޖެހޭނެއެވެ. ނީލަން ކާމިޔާބު ކުރާ ފަރާތަށް ދޫކުރެވޭ ތަކެއްޗަށް އިންވޮއިސްކުރާއިރު މުދަލުގެ އަގުގެ އިތުރުން ޖީ.އެސް.ޓީ. ވަކިން ހިމެނޭނެއެވެ.
މިފްކޯއިން ބުނީ ނީލަން ކާމިޔާބު ކޮށް، ތަކެތި ގެންދިޔުމަށް ދެވޭ މުއްދަތުގައި ތަކެތި ނުގެންގޮސްފިނަމަ، ޑިޕޮޒިޓްގެ ގޮތުގައި ބެހެއްޓި ފައިސާ އަނބުރާ ނުލިބޭނެކަމުގައެވެ. ނީލަމުގައި ބައިވެރިވެ ނީލަން ކާމިޔާބު ނުކުރެވޭ ފަރާތްތަކަށް ޑިޕޮޒިޓްގެ ގޮތުގައި ބެހެއްޓި ފައިސާ ވަގުތުން އަބުރާ ލިބޭނެއެވެ.
ރާއްޖެއިން ކޮންމެ އަހަރަކުވެސް ބާ ދަގަނޑު އެކްސްޕޯޓްކުރެއެވެ. މިގޮތުްން ބާ ދަގަނޑު އެންމެގިނައިން އެކްސްޕޯޓްކުރަނީ އިންޑިޔާއަށެވެ.
