އަލްހާފިޒް ނަބީހަށް ނާއިބުރައީސްގެ ތައުރީފު
6 އެޕްރީލު 2022 | ބުދަ 19:04ނަބީހު ވަނީ ރާއްޖެ ތަމްސީލުކޮށް ގުރުއާން ކިޔަވާފައި
ދުބާއީގައި ކުރިއަށްދާ ގުރުއާން މުބާރާތުގައި ރާއްޖެ ތަމްސީލުކޮށް ނަބީހު ގުރުއާން ކިޔަވަނީ
އަލްހާފިޒް އަހުމަދު ނަބީހު ދުބާއީގައި ކުރިއަށްދާ ގުރުއާން މުބާރާތުގައި ރާއްޖެ ތަމްސީލުކޮށް ގުރުއާން ކިޔެވުމުން ނާއިބުރައީސް ފައިސަލް ނަސީމް މަރުހަބާ ވިދާޅުވެއްޖެއެވެ.
އަލްހާފިޒް އަހުމަދު ނަބީހުވަނީ 1443 ވަނަ އަހަރުގެ ރަމަޟާންމަހުގެ 1ވަނަ ދުވަހުން ފެށިގެން 14ވަނަ ދުވަހާއި ހަމައަށް ދުބާއީގައި ކުރިއަށްދާ ގުރުއާން މުބާރާތުގައި ދިވެހިރާއްޖެ ތަމްސީލުކޮށް މުބާރާތުގެ ފައިނަލް ބުރުގައި ކިޔަވާފައެވެ. ނާއިބުރައީސް ފައިސަލް ނަސީމް ކުރެއްވި ޓްވީޓެއްގައި ވަނީ އަލްހާފިޒް ނަބީހަށް މަރުހަބާ ވިދާޅުވެފައެވެ. އަދި މި މުބާރާތުގައި ނަބީހުއަށް ކާމިޔާބު ލިބުމަށް އެދިވަޑައިގަންނަވާކަމަށް ނާއިބުރައީސް ވިދާޅުވިއެވެ.
ކީރިތި ގުރުއާނާބެހޭ ގައުމީ މަރުކަޒުން ބުނީ ނަބީހުގެ ކިޔަވަމުން ގެންދިޔައިރު އެތައް ބައެއްގެ ތައުރީފު ނަބީހަށް ލިބިގެންދިޔަ ކަމަށެވެ. މީގެ އިތުރުން މުބާރާތް އިންތިޒާމްކުރެއްވި ފަރާތުން ނަބީހާ ކުރި އިންޓަރވިއުގައި ސޫރަތެއްގެ ނަން ބުނުމަށްފަހު އެ ސޫރަތުގެ އާޔަތެއްގެ ނަންބަރު ބުނުމުން ނަބީހު ވަނީ އެ އާޔަތް ކިޔާފައި ކަމަށެވެ. އަދި އެވަގުތު ނަބީހުގެ އާދަޔާ ޚިލާފު ހުނަރު ފެނިފައި އިންޓަރވިއު ކުރި ފަރާތް ފެންކަޅިވެގެން ދިޔަކަމަށްވެސް ކީރިތި ގުރުއާނާބެހޭ މަރުކަޒުން ފާހަގަކޮށްފައި ވެއެވެ.
