އެވަކާޑޯ ސޭންޑްވިޗް

މިއީ އެވަކާޑޯ ބޭނުންކޮށްގެން ފަސޭހައިން ތައްޔާރުކޮށްލެވިދާނެ ސޭންޑްވިޗްއެކެވެ.

ފުރަތަމަ އެވަކާޑޯ ސްޕްރެޑް ތައްޔާރުކުރުމަށް އެވަކާޑޯ ރަނގަޅަށް މޭޝް ކޮށްލާށެވެ. ދެން ލޮނު، އަސޭމިރުސް، ޗިލީ ފްލޭކްސް، ލެމަން ޖޫސް، އަދި އޮލިވް އޮއިލް އަޅައިގެން ރަނގަޅަށް އެއްކޮށްލާށެވެ. މިހާރު މިހިރީ އެވަކާޑޯ ސްޕެރެޑް ތައްޔާރުކޮށް ނިމިފައެވެ. ދެން ކުޑަ ބޯތައްޓެއްގައި މަޔޮނައިސް، ހަނީ މަސްޓަޑް، މާމުއި ޕެޕަރ، ޕިކްލްޑް ކިއުކަމްބަރ އަދި ލެމަން ޖޫސް އަޅައިގެން އެއްކޮށްލާށެވެ. މިހާރު މިހިރީ ސޭންޑްވިޗް ސޯސް ތައްޔާރުކޮށް ނިމިފައެވެ.

ދެން ބޯތައްޓަކަށް ފުށް، ފެން އަޅައިގެން ގިރާލާށެވެ. އެއަށްފަހު އޭގެ ތެރެއަށް ލޮނު ކޮޅަކާ ބިސް އަޅައިގެން ގިރާލުމަށްފަހު ފުރާނާލާށެވެ. ދެން ތަވައެއްގައި ތެޔޮ ފޮދެއް ހޭކުމަށްފަހު ގިރާފައި ހުރި ބިސް އަޅައިގެން ރޮށި ފިހޭހެން ތުނިކޮށް ފިހެލާށެވެ. ދެން ހަތަރެސް ކަނަށްވާގޮތަށް ކަފާލުމަށްފަހު ކުރިން ތައްޔާރުކުރި ސޯސް ފަތުރާލާށެވެ. އެއަށްފަހު އެވަކާޑޯ ސްޕްރެޑް ތުނިކޮށް ފަތުރާލާށެވެ. ދެން ލެޓިއުސް އާއި ޗީޒް (ބޭނުންނަމަ) ފަތުރާފައި އޭގެ މަތީގައި ސޯސް ކޮޅެއް ހާކާލާށެވެ. ދެން ބާކީ ހުރި ފިޔާ އަދި ޓޯމާޓޯވެސް ފަތުރާލުމަށްފަހު ރޯލްކޮށްލާށެވެ.