ޓޫރިޒަމް އަޕްބީޓް ޓޯކް ޝޯގެ ދެވަނަ ސެޝަން ބާއްވައިފި
31 މާރިޗު 2022 | ބުރާސްފަތި 05:47މި ސެޝަން ޚާއްސަ ކޮށްފައިވަނީ ފަތުރުވެރިކަމުގެ ސިނާއަތުގައި އަންހެނުންގެ ދައުރަށް
ޓޫރިޒަމް އަޕްބީޓް ޓޯކް ޝޯގެ ދެވަނަ ސެޝަންގެ ތެރެއިން
ރާއްޖޭގެ ފަތުރުވެރިކަމުގެ 50 އަހަރު ފާހަގަކުރުމުގެ ގޮތުން މިނިސްޓްރީ އޮފް ޓޫރިޒަމް އާއި ޓޫރިޒަމް އިންޑަސްޓްރީ އާއި ގުޅިގެން ބާއްވާ ތަފާތު އިވެންޓްތަކުގެ ތެރެއިން މުހިންމު އިވެންޓެއް ކަމަށްވާ ޓޫރިޒަމް އަޕްބީޓް ޓޯކް ޝޯ ސިލްސިލާގެ ދެވަނަ ސެޝަން ބާއްވައިފިއެވެ.
މި ޓޯކް ޝޯ ބާއްވާފައިވަނީ މާރޗު 30 ވަނަ ދުވަހުގެ 20:45 ގައި މޯލްޑިވްސް ނެޝަނަލް ޔުނިވަރސިޓީގެ އޮޑިޓޯރިއަމްގައެވެ. މި ސިލްސިލާގެ ދެވަނަ ސެޝަން "ޓޫރިޒަމް އަޕްބީޓް ޓޯކް ޝޯ ވިމެން އިން ޓުއަރިޒަމް" ޚާއްސަ ކޮށްފައިވަނީ ފަތުރުވެރިކަމުގެ ސިނާއަތުގައި އަންހެނުންގެ ދައުރަށެވެ.
މި ޝޯގެ ޕެނަލިސްޓުންގެ ގޮތުގައި ސަމަރ އައިލެންޑް ރިޒޯޓުގެ ޖެނެރަލް މެނޭޖަރު މާރިޔާ ޝަރީފް، ކްރައުން އެންޑް ޗަމްޕާ ރިޒޯޓްސްގެ މެނޭޖިންގް ޑިރެކްޓަރު ސާރާ މުޙައްމަދު، ސޮނޭވާ ނަމޫނާ އެންޖީއޯގެ އިންސްޕައަރ މެނޭޖަރު އަޒުރާ އަޙްމަދު އަދި ނަލަދޫ ޕްރައިވެޓް އައިލެންޑް ރިޒޯޓް މެނޭޖަރު ފާތިމަތު ނާޒްލީން ބައިވެރިވިވަޑައިގެންނެވިއެވެ.
މި ޓޯކް ޝޯގެ ތެރެއިން ބައިވެރިންވަނީ އަންހެނުން މިސިނާއަތުގައި ވަޒީފާ އަދާ ކުރާ މިންވަރު ދަށްވެފައިވަނީ ކީއްވެގެންތޯ ސުވާލު އުފައްދާފައެވެ. މީގެއިތުރުން ވެސް ބައިވެރިން ވަނީ ގިނަ ސުވާލުތަކެއް ކޮށްފައެވެ. ޓޯކް ޝޯގެ ޕެނަލިސްޓުން ވަނީ ފަތުރުވެރިކަމުގެ ދާއިރާގައި ހުރި ދަތިތަކާއި އެމީހުންގެ އަމިއްލަ ތަޖުރިބާ ވެސް ހިއްސާކޮށްފައެވެ. އަދި ފަތުރުވެރިކަމުގެ ދާއިރާއަކީ އަންހެނުންނަށް ވެސް ކުރިއަށް ދެވިދާނެ ދާއިރާއެއް ކަމަށް ވަނީ ބުނެފައެވެ.
މިޓޯކް ޝޯއަކީ ސެކަންޑްރީ ސްކޫލްތަކާއި ކޮލެޖް ޔުނިވަރސިޓީގެ ދަރިވަރުންނާއި އާންމުންނަށް ފަތުރުވެރިކަމުގެ މަޢުލޫމާތު ދިނުމުގެ މަގްސަދުގައި ކުރިޔަށްގެންދާ ޕޮރޮގްރާމެއް ކަމަށް މިނިސްޓްރީން ބުންޏެވެ.
