ކާބޯތަކެތި ޑީހައިޑްރޭޓް ކުރާ މެޝިނެއް ގައްޒާގެ އަންހެނަކު އުފައްދައިފި

ކާބޯތަކެތި ޑީހައިޑްރޭޓް ކުރާ މެޝިނެއް އުމުރުން 23 އަހަރުގެ އަންހެނަކު އުފައްދައިފިއެވެ.

ގައްޒާއަށް އުފަން ގަޒާން އަނަޑީ އަބޫ ހަރްބެއިދް ނަމަކަށް ކިޔާ މި އަންހެން މީހާއަކީ ރިނިއުބަލް އެނާޖީ އިންޖީނިއަރެކެވެ. އާފަލާއި އޮރެންޖު ފަދަ ތަކެއްޗާއި ތަރުކާރީގެ ބާވަތްތައް ކޮށުމަށްފަހު ފުޑް ޑީހައިޑްރޭޓް ކުރާ މެޝިނިއަށް ލައެވެ.

އަދި މިތަކެއްޗަށް އެއްވެސް ކަހަލަ ހަކުރުގެ ބާވާތެއް ނުވަތަ ކެމިކަލެއް އޭނާ އެއް ނުކުރެއެވެ.

އެ މެޝިންގައި މިތަކެތި 16 ނުވަތަ 20 ގަޑީއިރު ބަހައްޓާކަމަށް ގަޒާން ވަނީ ބުނެފައެވެ.

ގަޒާން ބުނީ މާކެޓުގައި ސިއްހަތަށް ފައިދާ ހުރި މިފަދަ ތަކެތި ނެތްކަން އެނގުނީ ކުރި ދިރާސާއަކުން ކަމަށެވެ. އަދި ތިމާވެއްޓާއި ރައްޓެހި މި ފުޑް ޑީހައިޑްރޭޓަރުގެ ސަބަބުން އަގު ބޮޑުކޮށް ހިއްކާފައި ހުންނަ މޭވާ އާއި ތަރުކާރީ އިމްޕޯޓް ކުރާ ކުރުމަށް ލުއިޔެއް ލިބިގެންދާނެ ކަމަށެވެ.

ގަޒާން ބުނީ އޭނާ ވިއްކާ ކާބޯތަކެއްޗަކީ ސިއްހަތަށް ފައިދާ ހުރި، ހެޔޮ އަގެއްގައި ލިބިގެންދާނެ ތަކެތި ކަމަށެވެ. އަދި އޭނާ ވިއްކާ ޕްރޮޑަކްޓުތައް އޮންލައިންކޮށް ވެސް ލިބެން ހުންނާނެ ކަމަށް ވަނީ ބުނެފައެވެ.