މިނިކާ ވަގަކަށް ވުރެ އިންޑިއާ އަންހެނަކު ގަދަވެއްޖެ
5 އެޕްރީލު 2018 | ބުރާސްފަތި 01:23މަސައްކަތްކުރީ ބަކަރިތައް ސަލާމަތްކުރަން
ރޫޕާލީ ވަނީ ހާދިސާ ހިނގިތާ އިރުކޮޅެއްގެ ތެރޭ މޫނުމަތީގައި ހުރި ލެޔާއިއެކު ސެލްފީއެއް ނަގާފައި
މިިނިކާ ވަގެއް ބަކަރިތަކަށް ހަމަލާދިނުމުން އެތަކެތި ހިމާޔަތްކުރަން ނުކުތް އިންޑިއާގެ ޒުވާން އަންހެނަކު މިނިކާ ވަގުގެ ކިބައިން ހަނި ގޮތަކަށް ސަލާމަތް ވެއްޖެއެވެ.
އުމުރުން 23 އަހަރުގެ ރޫޕާލީ މީޝްރަމް ބުނީ މަހަރާޝްތުރާ ސްޓޭޓުގައި ހުންނަ އޭނާގެ ގެއިން ނުކުތީ ބަކަރިތައް ހަޅޭއްލަވާތީ ކަމަށެެވެ.
ދަނޑިބުރިއެއް ނަގައި މިނިކާވަގުގެ ގައިގައި ތަޅައިގަތުމުން އޭތިވަނީ އޭނާއަށް ހަމަލާ ދީފައެވެ. ރޫޕާލީގެ މަންމަވެސް މިހާދިސާގައި ޒަޚަމްވެފައިވާއިރު މަންމަ ވެސް ސަލާމަތްކުރީ ރޫޕާލީ އެވެ.
މި ހާދިސާގައި ރޫޕާލީގެ ބޮލާއި، އުނަގަނޑާއި ފައި އަދި އަތް ޒަޚަމްވެފައި ވާއިރު، އޭނާގެ މަންމަ އަށް މާބޮޑު ޒަހަމެއް ލިބިފައެއް ނެތެވެ. އެ ދެ މައިންނަށް ހޮސްޕިޓަލުން ފަރުވާ ދިނުމަށް ފަހު ވަނީ ދޫކޮށްލައިފަ އެވެ.
މިދިޔަ ހަފްތާގައި ހިނގާފައިވާ މި ހާދިސާ މީޑިއާތަކަށް ފެންމަތިވެފައިވަނީ ބުދަ ދުވަހުއެވެ. ނަމަވެސް، ހާދިސާ ހިނގިތާ އިރުކޮޅެއްގެ ތެރޭ މޫނުމަތީގައި ހުރި ލެޔާއިއެކު ރޫޕާލީ ވަނީ ސެލްފީއެއް ނަގާފައެވެ.
