ފަހު މެޗުގައި ވެލެންސިޔާ އަތުންވެސް މާޒިޔާއަށް ބޮޑު މޮޅެއް

ދިވެވި ޕްރިމިއަރ ލީގުގެ ފުރަތަމަ ބުރުގެ ފަހު މެޗުގައި ވެލެންސިޔާ އަތުން ބޮޑު މޮޅެއް ހޯދައިގެން އެއްވަނާގައި 5 ޕޮއިންޓްގެ ލީޑަކާއެކު މާޒިޔާ ފުރަތަމަ ބުރު ނިންމާލައިފިއެވެ.

ޗެމްޕިއަން މާޒިޔާއިން ފަހު މެޗުގައި ވެލެންސިޔާގެ މައްޗަށް ކުރިހޯދީ 4-0 ނެވެ. މިއީ ޕްރެޒިޑެންޓްކަޕް ފައިނަލް މެޗުގައިވީ ބައްޔަށްފަހު މާޒިޔާ ވެލެންސިޔާއާ ދެކޮޅަށް ނިކުއިން ފުރަތަމަ ފަހަރެވެ. މެޗުގައި މާޒިޔާއަށް ފުރަތަމަ ގޯލް ޖަހައިދިނީ ކޯނޭއެވެ. ދެވަނަ ހާފްގައި ދެވަނަ ލަނޑު ޖެހީ ޓަނާއެވެ. ތިންވަނަ ލަނޑު ޖެހީ އަކްރަމް އަބުދުލްޣަނީއެވެ. ފަހު ލަނޑު މެޗުގެ ފަހު މިނިޓްގައި ޖެހީ ބަދަލު ކުޅުންތެރިއެއްގެ ގޮތުގައި ނިކުމެ އަސަދުالله އެވެ.

މިމޮޅާއެކު މާޒިޔާއިން ވަނީ ހަތް މެޗުންވެސް މޮޅުވެ 21 ޕޮއިންޓް ހޯދާފައެވެ. ދެވަނާގައި އޮތީ 16 ޕޮއިންޓާއެކު އީގަލްސްއެވެ. ވެލެންސިޔާ އޮތީ 12 ޕޮއިންޓާއެކު ތިން ވަނާގައެވެ. ހަތަރުވަނާގައި 10 ޕޮއިންޓާއެކު ޓީސީއެވެ. ފަސްވަނާގައި ޔޫވީ އޮތީ 9 ޕޮއިންޓާއެކުއެވެ. ހަވަނާގައި އޮތީ ސަސްއެވެ. އެއީ 7 ޕޮއިންޓާއެކުއެވެ. ހަތްވަނާގައި އޮތް ގްރީންއަށް ލިބެނީ 4 ޕޮއިންޓެވެ. ފުލުގައި އޮތީ ދަ ގްރާންޑޭއެވެ.