ދިވެހި ޕްރިމިއަރ ލީގުގައި ޔުނައިޓެޑް ވިކްޓްރީއާއި ޓީސީ ވާދަކުރި މެޗު އެއްވަރުވެއްޖެއެވެ. މެޗު އެއްވަރުވީ 3-3 ނެވެ.

މެޗު އެއްވަރުވުމުން ދެޓީމްވެސް އޮތީ މެޗަށް ނިކުއިންއިރުވެސް ތާވަލްގައި ދެޓީމް އޮތް މަޤާމްގައެވެ. އެހެންކަމުން ފުރަތަމަ ބުރު ނިމޭއިރު ދެޓީމަށްވެސް ތާވަލްގައި އިތުރަށް ކުރިއަށް ޖެހިލުމުގެ ފުރުޞަތެއް ނެތެވެ. ޓީސީއަށް ފުރަތަަމަ ބުރުން 4 ވަނަ ޔަޤީންވާނެއެވެ. ނުވަ ޕޮއިންޓާއެކު ޔޫވީއަށް ލިބޭނީ ފަސްވަނައެވެ. ޓީސީ އޮތީ 10 ޕޮއިންޓާއެކުއެވެ.

މެޗުގައި ފުރަތަމަ ހާފް ނިމުނުއިރު 2-1 ން ކުރީގައި އޮތީ ޔޫވީއެވެ. އެއީ ހަމްދޫންގެ ލަނޑުން ޓީސީން ކުރި ހޯދާފައި ވަނިކޮށް, އިވާންއާއި, ހައިސަމް ލަނޑު ޖަހާ ޔޫވީއަށް ކުރި ހޯދައިދީގެންނެވެ. އެކަމަކު ދެވަނަ ހާފްގައި ޓީސީގެ ޒަޔާންއާއި މުޙައްމަދު ސަލާހު ލަނޑު ޖަހާ ޓީސީއަށް ކުރި ހޯދައިދިނެވެ. ޔޫވީން މެޗުގެ ނަތީޖާ ހަމަހަމަކުރީ 84 ވަނަ މިނިޓްގައި އިވާން ޖެހި ލަނޑުންނެެވެ.

ލީގުގައި މިރޭ ވާދަކުރާނީ ދަ ގްރާންޑޭއާއި ސަސްއެވެ. މިހަފްތާގައި ކުޅެނީ ފުރަތަމަ ބުރުގެ ފަހު މެޗުތަކެވެ.