މިއަދު މާލޭގެ ބައެއް ސަރަޙައްދުތަކުން ކަރަންޓު ކެނޑިދާނެ ކަމަށް ސްޓެލްކޯ އިން ބުނެފި
ހަވީރު 16:00ން 17:00ށް މާލޭގެ ބައެއް ސަރަޙައްދުތަކުން ކަރަންޓު ކެނޑިދާނެ
ސިމާހާ ނަސީމް | 17 މާރިޗު 2022 | ބުރާސްފަތި 07:51
ސްޓެލްކޯ
މިއަދު ހަވީރު މާލޭގެ ބައެއް ސަރަޙައްދުތަކުން ކަރަންޓު ކެނޑިދާނެ ކަމަށް ސްޓެލްކޯ އިން ބުނެފިއެވެ.
ސްޓެލްކޯއިން މިއަދު ބުނެފައިވަނީ ކޮންމެހެން ކުރަންޖެހޭ މަސައްކަތެއް ކުރުމަށްޓަކައި، މިއަދު ހަވީރު 16:00ން 17:00ށް މާލޭގެ ބައެއް ސަރަޙައްދުތަކުން ކަރަންޓުގެ ޚިދުމަށް މެދުކެނޑުމަކީ އެކަށީގެންވާ ކަމެއް ކަމަށެވެ.
އެގޮތުން ކަރަންޓު ކެނޑޭނެ ކަމަށް ލަފާކުރެވެނީ ހެންވޭރުގެ ރޯޝަނީ މަގާއި، ރޯޝަނީ ގޯޅީގެ އިތުރުން ކަސްތޫރި މަގާއި، ކާނި ގޯޅިއާއި، ސޯސަންމަގު ހިމެނޭ ސަރަހައްދުން ކަމަށް އެ ކުންފުނިން ބުނެއެވެ.
މާލެ ސަރަހައްދުގައި ކަރަންޓު ކެނޑުން ނިސްބަތުން 70 އިންސައްތަ ކުޑަކުރެވިފައިވާ ކަމަށް ދާދިފަހުން ސްޓެލްކޯ އިން ވަނީ ބުނެފައެވެ.
