މިހާ ބޮޑުކޮށް, ކުލަގަދަކޮށް މޯލްޑިވްސް ސްޕޯރޓްސް އެވޯޑްސް ބޭއްވުމަކީ ވަރަށް ބޮޑު ސިހުމެއްކަމަށް މޯލްޑިވްސް އޮލިމްޕިކް ކޮމިޓީން ބުނެފިއެވެ.
ރާއްޖެ ޓީވީން އެވޯޑަށް ޚާއްޞަކޮށް ގެނެސްދޭ ކައުންޓްޑައުން ޝޯވގައި ވާހަކަދައްކަވަމުން އޮލިމްޕިކް ކޮމިޓީގެ ޖެނެރަލް ސެކެޓްރީ ތަމޫހު އަހުމަދު ސައީދު ވިދާޅުވީ ސަރުކާރުން ބާއްވާ އެވޯޑް ހަފްލާ ވެގެން މިދަނީ އެސޯސިއޭޝަންތަކާއި, އެތްލީޓުންނަށްވެސް ލިބިގެންދިޔަ ވަރަށް ބޮޑު ސިހުމަކަށްކަމަށެވެ. މިހާބޮޑުކޮށް, ކުލަގަދަކޮށް ބާއްވާނެކަމަށް ޤަބޫލުނުކޮށްތިއްބާ ބޮޑު ރަސްމިއްޔާތެއް ބާއްވަން ނިންމި ނިންމުމަކީ ވަރަށްބޮޑު އުފަލެއްކަމަށްވެސް ތަމޫހު ވިދާޅުވިއެވެ.
މިއީ ކުޅިވަރަށް ވަރަށް އުފާވެރި ދުވަސްތަކެއް, ކުޅިވަރު އެވޯޑް ހަފްލާއަކީ އެސޯސިއޭޝަންތަކުން ވަރަށްބޮޑަށް ބަލައިގަންނަ އެވޯޑެއް. އެވޯޑް ހަފްލާ މިހާބޮޑުކޮށް ބޭއްވުމަކީ ސިހުމެއް. އެއީ ހުރިހާ ކުޅުންތެރިންނަށާއި, އޮފިޝަލުންނަށާއި, ކުޅިވަރުތެރޭގައި ޝާމިލްވާ ހުރިހާ އެންމެންނަށް ލިބިގެންދިޔަ.ތަމޫހު އަހުމަދު ސައީދު / އޮލިމްޕިކް ކޮމިޓީގެ ޖެނެރަލް ސެކެޓްރީ
ތަހޫމު ވިދާޅުވީ ބުރާސްފަތި ދުވަހުގެ ރޭ އޮންނަ އެވޯޑް ހަފްލާ ވެގެންދާނީ ކުޅިވަރު އެސޯސިއޭޝަންތަކުން ވަރަށްބޮޑަށް ބަލައިގަންނަ, ފާހަގަކުރާ އުފާވެރި މާހައުލަކަށް ކަމަށެވެ. މިވަގުތު ކުޅިވަރު އާއިލާގެ ތެރޭގައި އޮތީ އުފާވެރިކަން ކަމަށާއި, އެއާއެކު އެތްލީޓުންގެ މެދުގައި ޕޮޒިޓިވް ވާދަވެރިކަމެއް އުފެދިފައިވާކަންވެސް ތަމޫހު ފާހަގަކުރެއްވިއެވެ.
އެވޯޑް ދިނުމުގައި މުހިއްމު ތިން މަޤްޞަދެއް އޮތްކަން ފާހަގަކުރައްވަމުން ތަމޫހު ވިދާޅުވީ އެވޯދް ހަފްލާގައި ބައިވެރިވުމަށް ދުނިޔޭގެ ޗެމްޕިއަނުން ރާއްޖެ އަންނަނީ ހަމަ ދައުވަތެއް ލިބުނީތީ ނޫންކަމަށެވެ. އެއީ ރާއްޖޭގެ ކުޅިވަރު ބަލައިގަންނާތީ, ރާއްޖޭގެ ކުޅިވަރު ކުރިއަރާކަން ޤަބޫލުކުރާތީ ބައިވެރިވާ ބައިވެރިވުމެއްކަމަށެވެ. އެވޯޑްގެ މަޤްޞަދުތައް ފާހަގަކުރައްވަމުން ތަމޫހު ވިދާޅުވީ މިއީ އަގުވަޒަންކުރުމާއި, ހިތްވަރު ދިނުމުގެ އެވޯޑެއް ކަމަށެވެ.
