ވެލެންސިޔާ ބަލިކޮށް، އީގަލްސް ދެވަނައަށް ޖެހިލައިފި
އީގަލްސް ދެވަނާގައި އޮތީ 13 ޕޮއިންޓާއެކު
އީގަލްސްއާއި ވެލެންސިޔާ ވާދަކުރި މެޗުގެ ތެރެއިން
މެޗަށް ނިކުއިންއިރު ދެވަނައިގައި އޮތް ވެލެންސިޔާ ބަލިކޮށް, އެމަޤާމަށް ކްލަބް އީގަލްސް ޖެހިލައިފިއެވެ. ވެލެންސިޔާގެ މައްޗަށް އީގަލްސްއިން ކުރި ހޯދީ 1-0 ނެވެ.
އީގަލްސް މެޗުން މޮޅުވި ލަނޑު 12 ވަނަ މިނިޓްގައި ޖެހީ ޖިއަކޯމޯ ފަވޭރޯއެވެ. އިޓަލީގެ މިޑްފީލްޑަރ ބޯޅަ ގޯލަށް ފޮނުވާލީ އޭރިޔާ ބޭރުންނެވެ. މިމޮޅާއެކު އީގަލްސް ދެވަނައަށް ޖެހިލުމުގެ އިތުރުން, މާޒިޔާއަށް ވަނީ ފުރަތަމަ ބުރުން އެއްވަނަ ޔަޤީންވެފައެވެ. ފުރަތަމަ ބުރުގައި މާޒިޔާއަށްވެސް އަދި މިވަގުތު ދެވަނައިގައިވާ, އީގަލްސްއާއި, ތިންވަނައިގައިވާ ވެލެންސިޔާއަށްވެސް ބާކީ އޮންނާނީ އެއްް މެޗެވެ. އެމެޗުތަކުގެ ނަތީޖާއިން މާޒިޔާގެ މަޤާމަށް ބަދަލެއް ނާއްނާނެއެވެ. އެކަމަކު އީގަލްސްއާއި ވެލެންސިޔާގެ މަޤާމަށް ބަދަލު އައުމުގެ ފުރުޞަތު އެބައޮތެވެ.
ލީގުގައި މިއަދު ހަވީރު ވާދަކުރާނީ ދަ ގްރާންޑޭއާއި ޓީސީއެވެ. މިރޭ ވާދަކުރާނީ ސުޕަރ ޔުނައިޓެޑް ސްޕޯރޓްސް (ސަސް)އާއި ޔުނައިޓެޑް ވިކްޓްރީއެވެ.
