މަޖިލީހުގެ އިދާރާއަށް މިޔުޒިކް ޕްރޮޑިޔުސަރެއް ހޯދަނީ
އެ އިދާރާއިން އުފައްދާ ވީޑިއޯތަކުގައި ބޭނުން ކުރުމަށް އެ އިދާރާއަށް ފުރިހަމަ ކޮޕީރައިޓްސްގެ ހައްގު އޮންނަ އަމިއްލަ މިއުޒިކް ޓްރެކްތަކެއް ހަދަން ބޭނުންވޭ
ރައްޔިތުންގެ މަޖިލިސް
ރައްޔިތުންގެ މަޖިލީހުގެ އިދާރާއަށް މިއުޒިކް ޕްރޮޑިއަސަރެއް ހޯދަން އިއުލާންކޮށްފިއެވެ.
މަޖިލީހުން ކުރި އިއުލާނެއްގައި ބުނީ އެ އިދާރާއިން އުފައްދާ ވީޑިއޯތަކުގައި ބޭނުން ކުރުމަށް އެ އިދާރާއަށް ފުރިހަމަ ކޮޕީރައިޓްސްގެ ހައްގު އޮންނަ އަމިއްލަ މިއުޒިކް ޓްރެކްތަކެއް ހަދަން ބޭނުންވާ ކަމަށެވެ. މި މަސައްކަތަށް ބީލަން ހުށަހަޅަން ރަޖިސްޓްރީ ކުރުމުގެ ފުރުސަތު މިމަހުގެ ނުވަ ވަނަ ދުވަހާއި ހަމައަށް ވަނީ ހުޅުވާލާފައެވެ. ބީލަން ހުށަހެޅުމާއި ހުޅުވުން އޮންނާނީ މަރޗް 15 ވާ އަންގާރަ ދުވަހުގެ 11 ގައި މަޖިލީހުގެ އިދާރާގައެވެ.
ރައްޔިތުންގެ މަޖިލީހުން އަންނަނީ ސޯޝަލް މީޑިޔާގެ އެކި ޕްލެޓްފޯމްތަކުން މަޖިލީހާއި ބެހޭ ވީޑިއޯތަކާއި ޕްރޮގްރާމްތައް ގެނެސްދެމުންނެވެ.
