ވޯޓާސް ލިސްޓަށް ޝަކުވާ ހުށަހަޅަން އެމްޑީޕީން ހުޅުވާލައިފި
1 މާރިޗު 2022 | އަންގާރަ 02:04ޝަކުވާ ހުށަހެޅުއްވުމުގެ ސުންގަޑި އަކީ 10 މާރޗް ވާ ބުރާސްފަތި ދުވަހުގެ މެންދުރު 12:00
އެމްޑީޕީގެ ގައުމީ މަޖިލީހުގެ ބައްދަލުވުމުގެ ތެރެއިން
އެމްޑީޕީގެ ޗެއަރޕާސަން، އަންހެނުންގެ ރޫހު އަދި ޒުވާނުންގެ ހިއްވަރުގެ އިންތިޚާބުގައި ވޯޓުލާ މީހުންގެ ލިސްޓު އެޕާޓީން އާންމުކޮށްފިއެވެ.
އެޕާޓީން ބުނީ ވޯޓުލާ މީހުންގެ ލިސްޓާއި ބެހޭ ޝަކުވާ ހުށަހެޅުމަށް އެދޭ ފަރާތްތަކުން elections@mdp.org.mv އަށް ޝަކުވާގެ ތަފްސީލާއިއެކު އައިޑީ ކާޑުގެ ކޮޕީއެއް އީމެއިލް ކުރުމަށް އެދޭކަމަށެވެ. ޝަކުވާ ހުށަހެޅުއްވުމުގެ ސުންގަޑި އަކީ 10 މާރޗް ވާ (ބުރާސްފަތި) ދުވަހުގެ މެންދުރު 12:00އެވެ.
މިއިންތިޚާބުތައް ބޭއްވުމަށް ހަމަޖެހިފައިވަނީ އޭޕްރީލް 16 ގައެވެ. އިންތިޚާބުގެ ކެމްޕެއިން މިހާރުވެސް ފެށިގެން ކުރިޔަށްދާއިރު އެންމެ ވާދަވެރި އިންތިޚާބެއްގެ ގޮތުގައި ފެނިގެންދަނީ ޗެއަރޕާސަންގެ މަގާމެވެ. އެމަގާމަށް ވާދަކުރައްވަނީ އިކޮނޮމިކް މިނިސްޓަރު ފައްޔާޒު އިސްމާއީލާއި މާފަންނު އުތުރު ދާއިރާގެ މެމްބަރު އިމްތިޔާޒު ފަހުމީއެވެ.
އެމްޑީޕީގެ އެތެރޭގެ އިންތިޚާބުތައް އޭޕްރީލް މަހު ބާއްވާއިރު އޮގަސްޓް މަހު އެޕާޓީގެ ކޮންގްރެސް ބޭއްވުމަށް ވަނީ ހަމަޖެހިފައެވެ. ކޮންގްރެސްގައި މުހިންމު ކަންތައްތަކެއް ހުށަހަަޅާ އެކަންތައްތަކަށް ގޮތް ނިންމުމަށް ވަނީ ހަމަޖެހިފައެވެ.
