އުރީދޫ މޯލްޑިވްސްއިން, ދުނިޔޭގެ ކުރިއަރާފައިވާ މެސެޖިންގ ޕްލެޓްފޯމް، ރަކުޓެން ވައިބަރއާއެކު ޕާޓްނަރވެ، ވައިބަރ މެދުވެރިކޮށް ފަސޭހަކަމާއެކު އެކަކު އަނެކަކަށް ފައިސާ ފޮނުވޭ ގޮތް ހަދައިފިއެވެ.

އުރީދޫއިން މި އީޖާދީ ޚިދުމަތް ތައާރަފްކޮށްފައިވަނީ، ވަކިވަކި ކަސްޓަމަރުންނަށާއި އޮންލައިން ފިހާރަތަކާއި ކެފޭ/ރެސްޓޯރަންޓް އަދި ކޯނަރ ޝޮޕްތައްފަދަ ކުދި ވިޔަފާރި ވެރިންނަށް އިތުބާރާއި ފަސޭހަ ކަމާއެކު ފައިސާ ޓްރާންސްފަރ ކުރެވޭނެ ހައްލެއް ފޯރުކޮށްދިނުމުގެ މަގުސަދުގައެވެ.

އުރީދޫއިން ބުނީ ވައިބަރ މެދުވެރިކޮށް, އެމް-ފައިސާއިން ފައިސާ ފޮނުވާ ފުރަތަމަ 1000 ކަސްޓަމަރުންނަށް ޚާއްސަ އޮފަރއެއްގެ ގޮތުގައި އެމް-ފައިސާ ވޮލެޓަށް 25 ރުފިޔާގެ ކޭޝްބެކްއެއް ލިބޭނެ ކަމަށާއި، މި އޮފަރ ލިބިގެންދާނީ ސިލްވަރ ނުވަތަ ގޯލްޑް ވޮލެޓް ގެންގުޅޭ ކަސްޓަމަރުންގެ ތެރެއިން މި މަހުގެ ތެރޭގައި އެންމެ މަދުވެގެން 500 ރުފިޔާ ކޭޝް-އިން ކޮށްފައިވާ ކަަސްޓަމަރުންނަށް ކަމަށެވެ.

ވައިބަރ ޕްލެޓްފޯމަކީ ދިވެހިންގެ ތެރޭގައި ވަރަށް ގިނައިން ބޭނުންކުރާ މަގުބޫލު މެސެޖިންގ ޕްލެޓްފޯމެކެވެ. އުރީދޫއިން ބުނީ މި ޕްލެޓްފޯމް މެދުވެރިކޮށް ރައްޓެހިންނާއި އާއިލާ ގުޅުވާލަދިނުމުގެ އިތުރުން, ބިލަށް ފައިސާ ދައްކާ ސްލިޕްތައް ވިޔަފާރިތަކާއި ކަސްޓަމަރުން ހިއްސާކުރާ ހިއްސާކުރުމަށް ވައިބަރ ބޭނުންކުރާ ކުރުން އިތުރުވެފައިވާ ކަމަށެވެ. މިއާއެކު ސްކޭމްތަކާއި ޓްރާންސެކްޝަން ސްލިޕްތައް ފޯޖް ކުރުން ވެސް ވަނީ އިތުރުވެފައެވެ. އެހެންކަަމުން މި ޚިދުމަތާއެކު ކަސްޓަމަރުންގެ އެކައުންޓްގެ ތަފްސީލް ފަދަ މުހިންމު މައުލޫމާތު ހިއްސާނުކޮށް، އިތުބާރާއެކު ފައިސާގެ މުއާމަލާތް ކުރުމަށް ފަަހިވެގެންދެއެވެ. ވައިބަރ މެދުވެރިކޮށް އެމް-ފައިސާއިން ކާމިޔާބުކަމާއެކު ޓްރާންސްފަރއެއް ހެދުމުން އޮޓޯއިން, ފޮނުވާ ފަރާތުގެ އިތުރުން ފައިސާ ލިބޭ ފަރާތަށްވެސް ވަގުތުން ކޮންފަރމޭޝަަން މެސެޖެއް ލިބި, ޓްރާންސެކްޝަން ރިސިޕްޓްތައް އޮޅުވާލުމުގެ ފުރުސަަތު ނައްތާލުމަށް އެހީތެރިވެދެއެވެ. އެއް ޕްލެޓްފޯރމެއްގެ ތެރެއިން ފަައިސާ ފޮނުވާ މުއާމަލާތް ކުރުމުގެ ފަސޭހަ ކަސްޓަމަރުންނަަށް ފޯރުކޮށްދިނުމުގެ އިތުރުން، ޑިޖިޓަަލް ފައިނޭޝަލް ޕްލެޓްފޯރމްތަކަށް ކަސްޓަަމަރުން އަހުލުވެރިކުރުވުމަަށް ވެސް މި ޚިދުމަތުން ބާރުއެޅޭކަމަށް އުރީދޫއިން ބުނެއެވެ.

އުރީދޫ މޯލްޑިވްސްގެ މެނޭޖިން ޑިރެކްޓަރު އަދި ޗީފް އެގްޒެކެޓިވް އޮފިސަރު ޚާލިދު އަލް-ހަމާދީ ވިދާޅުވީ ވައިބަރއާއި ޕާރޓްނަރވެ ރަައްކާާތެރިކަމާއެކު ފައިސާގެ މުއާމަލާތް ކުރެވޭ މި އީޖާދީ ޚިދުމަަތް ކަސްޓަމަރުންނަށް ފޯރުކޮށްދިނުމަކީ ލިބޭ ވަރަށް ބޮޑު އުފަލެއް ކަމަށާއި، ލިބޭ ކުރިއެރުމެއް ކަމަށެވެ. ވައިބަރއަކީ މި މުޖުތަމައުގައި ފުޅާ ދާއިރާއެއްގައި ބޭނުން ކުރަމުންދާ ޕްލެޓްފޯމަކަށް ވުމުން، މި ޚިދުމަަަތަަކީ ކަަސްޓަމަރުން ޑިޖިޓަލް ޕްލެޓްފޯމްތަކަށް އަހުލުވެރި ކުރުވުމަށް އެޅޭ ވަަރަަށް ބޮޑު ބާރެއް ކަމަށް ވިދާޅުވިއެވެ.

މީގެ އިތުރުން އޭޕީއޭސީގެ ރަކުޓެން ވައިބަރގެ ސީނިއަރ ޑިރެކްޓަރ ޑޭވިޑް ސޫ ވިދާޅުވީ, މިއީ ކަސްޓަމަރުންގެ ހުރިހާ ބޭނުންތަަކަަަށް ވެސްް އެކަަށޭނެ އެޕެއްގެ ގޮތުގައި ކުރިއަށް ދިއުމަށް ވައިބަރއިން މަސައްކަތް ކުރާކަމުގެ ހެތްކެއް ކަމަށާއި، ކޯލް އަދި މެސެޖިންގގެ އިތުރުން ވައިބަރ މެދުވެރިކޮށް ކަަސްޓަަަމަރުންގެ މުހިންމު މައުލޫމާތު ހިއްސާާނުކޮށް, ރައްކާާތެރިކަަމާއި ފަސޭހަކަމާއެކު ފައިސާގެ މުއާމަލާތް އެއްތަނަަަކުން ކުރިއަށް ގެންދިޔުމަށް މި ޚިދުމަތާއެކު ފަަހިވެގެންދާނެ ކަމަށެވެ. އަދި ޑޭޓާ ޕްރައިވެސީއާއި ސެކިއުރިޓީއަަަކީ އަބަދުވެސް ވައިބަރއިން ނުހަަނު އިސްކަަމެއްދޭ ކަަމެއް ކަމަށާއި، ޚިދުމަަތްތައް ބިނާކުރުމުގައި ކަަަސްޓަމަަރުންގެ ރައްކާތެރިކަން ކަށަވަރުކޮށްދޭނެ ކަމަށް އޭނާ ވިދާޅުވިއެވެ.

އުރީދޫ އެޕްމެދުވެރިކޮށް އެމް-ފައިސާއަށް ރެޖިސްޓަރވެ، ޔޫޓިލިޓީ ބިލް ދެއްކުމާއި، އެޕް އަދި ވައިބަރ މެދުވެރިކޮށް ފައިސާ ޓްރާންސްފަރ ކުރުމުގެ އިތުރުން، މަރޗަންޓުންނަށް ފައިސާ ދައްކާލެވޭނެއެވެ. އެމް ފައިސާ ޑިޖިޓަލް ވޮލެޓަށް ބީ.އެމް.އެލް، އެސް.ބީ.އައި, އަދި އެމް.އައި.ބީ އިންޓަރނެޓް ބޭންކިންގ މެދުވެރިކޮށް ފައިސާ ޖަމާކުރެވޭނެއެވެ.

އެމް-ފައިސާއަަށް ރެޖިސްޓަރ ވުމަށް އުރީދޫ އެޕްhttp://ore.do/appޑައުންލޯޑް ކުރެވޭނެއެވެ.