ރާއްޖެ
ކޮވިޑްގައި މީހަކު ނިޔާވުން
ކޮވިޑް-19ށް ފަރުވާ ހޯދަމުންދިޔަ 92 އަހަރުގެ މީހަކު ނިޔާވެއްޖެ
ނިޔާވީ 92 އަހަރުގެ ދިވެހި އަންހެނެއް
އަމްނާ އިމާދު, ރާއްޖެ އެމްވީ | 17 ފެބުރުއަރީ 2022 | ބުރާސްފަތި 15:31
ޅ. އަތޮޅު ހޮސްޕިޓަލުގައި ނިޔާވި މީހެއްގެ ޖަނާޒާގެ ކަންކަން ކުރިއަށްގެންދަނީ
ކޮވިޑް-19ށް ފަރުވާ ހޯދަމުންދިޔަ 92 އަހަރުގެ މީހަކު ނިޔާވެއްޖެއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ)އިން ބުނީ ކޮވިޑް-19ށް ފަރުވާ ހޯދަމުންދިޔަ އިތުރު މީހަކު ބުރާސްފަތި ދުވަހުގެ މެންދުރުފަހު 3:27ގައި ނިޔާވެފައިވާ ކަމަށެވެ. އެއީ 92 އަހަރުގެ ދިވެހި އަންހެނެއް ކަމަށް އެޗްޕީއޭއިން ބުނެއެވެ.
އެމީހާ ނިޔާވިއިރު ފަރުވާ ހޯދަމުން ގެންދިޔައީ ގދ. ކޮވިޑް މެނޭޖްމެންޓް ފެސިލިޓީގައެވެ.
މިއީ ރާއްޖެއިން މި ބަލީގައި ނިޔާވި 290 ވަނަ މީހާއެވެ.
ރާއްޖޭގެ ކޮވިޑް-19ގެ ހާލަތަށް ބަލާއިރު، މިހާރު މާލެސިޓީގެ ޕޮޒިޓިވްޓީ ރޭޓް ހުރީ 10 އިންސައްތާގައެވެ. މިހާތަނަށް 162،169 މީހުން ޕޮޒިޓިވްވެފައިވެއެވެ. އަދި 146،161 މީހުން ބަލިން ރަނގަޅުވެފަައިވެއެވެ.
