ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙްއާއި އަނބިކަނބަލުން ފަޒްނާ އަޙްމަދު ސިންގަޕޫރަށް ކުރެއްވި ނުރަސްމީ ދަތުރުފުޅު ނިންމަވާލެއްވުމަށްފަހު މާލެ ވަޑައިގެންފިއެވެ.
ރައީސުލްޖުމްހޫރިއްޔާގެ ދެކަނބަލުން ނުރަސްމީ ދަތުރުފުޅެއްގައި ސިންގަޕޫރަށް ވަޑައިގެންނެވީ މިމަހުގެ 10 ވަނަ ދުވަހުގައެވެ.
ރައީސް އަންގާރަ ދުވަހު ރާއްޖެ ވަޑައިގަންނަވާފައިވާއިރު މިމަހުގެ 18ން 20ށް މަޑިވަރު އެއަރޕޯޓް ރަސްމީކޮށް ހުޅުވުމަށް ޅ އަތޮޅަށް ދަތުރުފުޅެއް ކުރެއްވުމަށް ވަނީ ހަމަޖެހިފައެވެ.
ރައީސްގެ މިދަތުރުފުޅުގައި ޅ އަތޮޅުގެ ނައިފަރު، އޮޅުވެލިފުށި، ކުރެންދޫ އަދި ރައީސްގެ އުފަން ރަށް ހިންނަވަރަށް ވަޑައިގަންނަވާނެއެވެ. މީގެއިތުރުން ޅ އަތޮޅުގައި މަސް ފެކްޓްރީ ހިންގަމުން އަންނަ ފެލިވަރަށްވެސް ވަޑައިގަންނަވާނެކަމަށް ރައީސުލްޖުމްހޫރިއްޔާގެ އޮފީހުން ވަނީ މައުލޫމާތުދެއްވާފައެވެ.
