ހޯމަ ދުވަހުގެ ޖަލްސާގައި ފަނޑިޔާރުންގެ ޤާނޫނަށް އިސްލާޙު ގެނައުމުގެ ބިލްގެ ބަހުސް
ހޯމަ ދުވަހު ޖަލްސާއަށް ރައީސްގެ މޭޒުން ހުށަހަޅާ ދެކަމެއް އެޖެންޑާކޮށްފައިވޭ
ރައްޔިތުންގެ މަޖިލީހުގެ ޖަލްސާގެ ތެރެއިން
ހޯމަ ދުވަހު އޮންނަ މިދައުރުގެ ދެވަނަ ޖަލްސާއަށް ދިވެހިރާއްޖޭގެ ފަނޑިޔާރުންގެ ގާނޫނަށް އިސްލާހު ގެނައުމުގެ ބިލް އެޖެންޑާކޮށްފިއެވެ.
ސަރުކާރުގެ ފަރާތުން މިބިލް މަޖިލީހަށް ހުށަހަޅުއްވަނީ ކަނޑިތީމު ދާއިރާގެ މެންބަރު ޢަބްދުالله ޝަހީމް ޢަބްދުލްޙަކީމެވެ. ދެން ހޯމަ ދުވަހު ޖަލްސާއަށް އެޖެންޑާކޮށްފައިވަނީ ރައީސްގެ މޭޒުން ހުށަހަޅާ ދެ ކަމެކެވެ. އެތަނުން އެއްކަމަކީ ދައުލަތުގެ ވިޔަފާރި ތަންތަން ޕްރައިވަޓައިޒް ކުރުމާއި ކޯޕަރަޓައިޒް ކުރުމާއި އަދި މޮނިޓަރކޮށް އިވެލުއޭޓް ކުރުމުގެ ގާނޫނުގައި ބަޔާންކޮށްފައިވާ ގޮތުގެމަތިން ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑުގެ ރައީސްކަމަށް އެގާނޫނުގެ 9 ވަނަ މާއްދާގެ ހ އާއި ށ ގައި ބަޔާންކޮށްފައިވާ ގޮތުގެމަތިން ރައްޔިތުންގެ މަޖިލީހުގެ ރުހުން ހޯދުމަށް ފޮނުވާފައިވާ މައްސަލަ ދިރާސާކޮށް ގޮތެއް ނިންމުމަށް އެމައްސަލައާ ގުޅޭ ދާއިމީ ކޮމިޓީއަށް ފޮނުވުމެވެ.
ދެވަނަ އަށް އެޖެންޑާކޮށްފައި ވަނީ ވާރލްޑް ޓްރޭޑް އޮގަނައިޒޭޝަން (ޑަބްލިއު.ޓީ.އޯ) ގެ "ޓްރޭޑް ރިލޭޓަޑް އެސްޕެކްޓްސް އޮފް އިންޓެލެކްޗުއަލް ޕްރޮޕަޓީ ރައިޓްސް (ޓްރިޕްސް)" ގެ އެއްބަސްވުމަށް ބަދަލު ގެނައުމަށްޓަކައި އެކުލަވާ ލައިފައިވާ ޕްރޮޓޮކޯލްކަމަށްވާ "ޕްރޮޓޮކޯލް އެމެންޑިންގ ދަ ޓްރިޕްސް އެގްރީމެންޓް" ދިވެހިރާއްޖެއިން ބަލައިގަނެ ތަޞްދީޤުކުރުމާ މެދު، ރައްޔިތުންގެ މަޖިލީހުގެ ރުހުން ހޯއްދެވުމަށް ރައީސުލްޖުމްހޫރިއްޔާ ފޮނުއްވާފައިވާ މައްސަލަ ، ދިރާސާކޮށް ގޮތެއް ނިންމުމަށް އެ މައްސަލައާ ގުޅޭ ދާއިމީ ކޮމިޓީއަށް ފޮނުވުމެވެ.
ރައްޔިތުންގެ މަޖިލީހުގެ މިދައުރުގެ ޖަލްސާތައް އޭޕްރީލް މަހުގެ ނިޔަލަށް ކުރިޔަށްދާނެއެވެ.
