މަޖިލިސް ހުޅުވާ ޖަލްސާއާ ގުޅިގެން އެސަރަހައްދު ބަންދުކުރަނީ
ބުރާސްފަތި ދުވަހުގެ ފަތިހު 05:45ން ފެށިގެން ޖަލްސާ ނިމެންދެން، އެސަރަހައްދުގެ މަގުތައް އާންމު ދަތުރުފަތުރަށާއި ހިނގާ މީހުންނަށް ބަންދުކުރުމަށް ވަނީ ހަމަޖެހިފައި
ރައްޔިތުންގެ މަޖިލިސް ހުޅުވާ ޖަލްސާއާ ގުޅިގެން ބަންދުކުރާ ސަރަހައްދު
ރައްޔިތުންގެ މަޖިލިސް މިއަހަރަށް ހުޅުއްވައިދެއްވައި ރައީސުލްޖުމްހޫރިއްޔާ ރިޔާސީ ބަޔާން އިއްވަވާ ޖަލްސާއާ ގުޅިގެން މަޖިލީހުގެ އިދާރާ ހިމެނޭ ސަރަހައްދު ބަންދުކުރުމަށް ނިންމައިފިއެވެ.
އެކަމާގުޅިގެން ފުލުހުން ބުނީ, ރައްޔިތުން މަޖިލިސް ހިމެނޭ ސަރަހައްދުގެ ސަލާމަތީ ކަންކަން ބެލެހެއްޓުމަށް އެ ސަރަހައްދުގައި ހިމެނޭ މަގުތައް އެއްގަމު ދަތުރުފަތުރުގެ ނިޒާމުގައި ބޭނުންކުރާ އުޅަނދުތަކަށާއި ހިނގާބިނގާވާ މީހުންނަށް ނުވަދެވޭނެހެން ބަންދުކުރާ ގޮތަށް ހަމަޖެހިފައިވާކަމަށެވެ. އެގޮތުން ބުރާސްފަތި ދުވަހުގެ ފަތިހު 05:45ން ފެށިގެން ޖަލްސާ ނިމެންދެން އެސަރަހައްދުގެ މަގުތައް އާންމު ދަތުރުފަތުރަށާއި ހިނގާ މީހުންނަށް ބަންދުކުރުމަށް ވަނީ ހަމަޖެހިފައެވެ.
މީގެ އިތުރުން މިރަަސްމިއްޔާތަށް, މެދުޒިޔާރަތްމަގު މަޖީދިއްޔާ ސްކޫލު ކައިރިން ފެށިގެން ދަރުމަވަންތަ ސްކޫލް ކައިރީ ޕާކިންގ ޒޯނާއި, މަޖިލިސް އިދާރާ ކުރިމަތިން އޮންނަ ޕާކިންގ ޒޯން ހުސްކުރުމަށްވަނީ ހަމަޖެހިފައެވެ. އެހެންކަމުން އެ ސަރަހައްދުގައި ޕާކުކޮށްފައިވާ އުޅަނދުތައް އުޅަނދުތަކުގެ ވެރިފަރާތްތަކުން ނެގުމަށް ވަނީ އިލްތިމާސްކޮށްފައެވެ.
ފެބްރުއަރީ 3ގައި މިއަހަރަށް ރައްޔިތުންގެ މަޖިލީސް ހުޅުވާތީ އެދުވަހަކީ ސަރުކާރު ބަންދު ދުވަހެއްގެ ގޮތުގައި ވަނީ ކަނޑައަޅާފައެވެ.
