ފަނޑިޔާރުންގެ މާލީ ބަޔާން ހުށައެޅުއްވުމަށް ޖުޑީޝަލް ސަރވިސް ކޮމިޝަން ( ޖޭއެސްސީ) އިން އަންގައިފިއެވެ.
ބުދަ ދުވަހު ޖޭއެސްސީން ބުނީ، ޑިސެމްބަރު 2020 ގައި އާއްމުކޮށްފައިވާ "ފަނޑިޔާރުންގެ މާލީ ބަޔާނާއި ބެހޭ ޤަވާއިދު" ގައިވާ ގޮތަށް ކޮންމެ އަހަރަކު އެއް ފަހަރު ކޮމިޝަނަށް މާލީ ބަޔާން ހުށައަޅުއްވަންޖެހޭ ކަމަށެވެ.
ޖޭއެސްސީން ބުނީ، ކޮންމެ މީލާދީ އަހަރެއް ނިމުމުން ޖެހިގެން އަންނަ އަހަރުގެ ފެބްރުއަރީ މަހުގެ އެންމެ ފަހު ދުވަހުގެ ކުރިން މާލީ ބަޔާން ކޮމިޝަނަށް ހުށަހެޅުއްވުމަށް އެ ޤަވާއިދުގައި ބަޔާންކޮށްފައިވާ ކަމަށެވެ.
2020 ވަނަ އަހަރު ފަނޑިޔާރުން އަދި ފަނޑިޔާރުންގެ އަނބިން، ފިރިން އަދި ދަރިން ހުށަހެޅުއްވި މާލީ ބަޔާނުގެ ފޯމަށް ބައެއް އިސްލާހުތައް ގެނެސްފައިވާތީ އެކަންވެސް މައުލޫމާތަށްޓަކައި ވަނީ އަންގާފައެވެ
2021 ވަނަ އަހަރު އައްޔަނު ކުރެވުނު ފަނޑިޔާރުން މާލީ ބަޔާން ހުށަހަޅުއްވާނީ އައްޔަނު ކުރެވުނު ތާރީޚުން ފެށިގެން 31 ޑިސެމްބަރު 2021 ގެ ނިޔަލަށެވެ.
