ކޮވިޑްގެ ޕޮޒިޓިވް ކޭހަކާއި ކޮންޓެކްޓްވުމުން ނިއުޒިލެންޑްގެ ބޮޑުވަޒީރު އައިސޮލޭޝަނަށް
ޖަސިންޑާ ކޮވިޑް-19 އަށް ކޮންޓެކްޓް ވެފައިވަނީ ޖެނުއަރީ މަހުގެ 22 ވަނަ ދުވަހު ދަތުރުކުރެއްވި ފްލައިޓެއްގެ ތެރެއިން
ނިއުޒިލެންޑްގެ ބޮޑުވަޒީރު ޖަސިންޑާ އާޑަން
ކޮވިޑް-19 އަށް ޕޮޒިޓިވްވެފައިވާ މީހަކާ ނިއުޒިލެންޑް ބޮޑުވަޒީރު ޖަސިންޑާ އާޑަން ކޮންޓެކްޓްވުމާއި ގުޅިގެން އަންގާރަ ދުވަހާއި ހަމައަށް އައިސޮލޭޝަނަށް ވަޑައިގަންނަވާފައިވަކަމަށް ނިއުޒިލެންޑް ސަރުކާރުން ބުނެފިއެވެ.
ޖަސިންޑާ ކޮވިޑް-19 އަށް ކޮންޓެކްޓް ވެފައިމިވަނީ ޖެނުއަރީ މަހުގެ 22 ވަނަ ދުވަހު ދަތުރުކުރެއްވި ފްލައިޓެއްގެ ތެރެއިންނެވެ. މިއާއެކު އެކޭހާއި ގުޅުންހުރި އެންމެންގެ ޖެނޯމް ސީކުއެންސް ހަދާފައިވާކަމަށް ނިއުޒިލެންޑް ސަރުކާރުން ބުނެއެވެ.
މިއާއެކު އެއީ އޮމިކްރޯން ވޭރިއަންޓްތޯ ދެނެގަނެވެގެންދާނެއެވެ.
ސަރުކާރުން ބުނެފައިވަނީ ޖަސިންޑާގެ ފުށުން އަލާމާތްތައް ނުފެންނަކަމަށާއި ހާލުކޮޅު ރަނގަޅުކަމަށެވެ. އަދި އާދިއްތަ ދުވަހު ޖަސިންޑާ ޓެސްޓްކުރައްވާނެކަމަށްވެސް ބަޔާނުގައި ބުނެފައިވެއެވެ.
ޖަސިންޑާ އާއެކު ދަތުރުކުރެއްވި ސްޓާފުންނާއި ގަވަރނަރ ޖެނެރަލްވެސް މިއުސޫލުން އަމަލުކުރާނެކަމަށް ސަރުކާރުން ބުނެއެވެ.
