ފޮތްތަކުގައި ހުންނަ ޤުރްއާނުގެ އާޔަތްތަކުގެ ކުށްހުރިތޯ ބަލައި ފާސްކުރާ ކޮމެޓީއެއް އެކުލަވާލައިފި
20 ޖެނުއަރީ 2022 | ބުރާސްފަތި 04:51ކޮމިޓީގައި ހިމެނި ވަޑައިގަންނަވަނީ ރާއްޖޭގެ ފާހަގަ ކޮށްލެވޭ ދީނީ އިލްމުވެރިން
ފޮތްތަކުގައި ހުންނަ ގުރުއާނުގެ އާޔަތްތައް ބެލުމަށް އެކުލަވާލި ކޮމިޓީއާ މިނިސްޓަރ ބައްދަލު ކުރެއްވުން
ރާއްޖޭގައި ޗާޕްކުރެވޭ ފޮތްތަކުގައި ހުންނަ ކީރިތި ޤުރްއާނުގެ އާޔަތްތަކުގެ ކުށްހުރިތޯ ބަލައި ފާސްކުރާ ކޮމެޓީއެއް އެކުލަވާލައިފިއެވެ.
ކޮމިޓީގައި ހިމެނިވަޑައިގަންނަވާ ބޭފުޅުންނާ އިސްލާމިކް މިނިސްޓަރ ޑރ. އަޙްމަދު ޒާހިރު ވަނީ ބުރާސްފަތި ދުވަހު ބައްދަލު ކުރައްވައި ކޮމިޓީގެ މަސައްކަތްތައް ކުރިއަށްގެންދާނެ ގޮތާ ބެހޭ ގޮތުން މަޝްވަރާ ކުރައްވާފައެވެ. ކޮމިޓީގައި ހިމެނި ވަޑައިގަންނަވަނީ ރާއްޖޭގެ ފާހަގަ ކޮށްލެވޭ ދީނީ އިލްމުވެރިންނެވެ. ސްކޫލް ދަރިވަރުން ބޭނުން ކުރަމުން އަންނަ އިސްލާމާއި ޤުރްއާން ފޮތްތަކުގައި ކުށް ހުރިކަން ފާހަގަވެ އެކަން އެޑިއުކޭޝަން މިނިސްޓްރީގެ ސަމާލުކަމަށް ގެނެސްފައިވަނީ މިދިޔަ އަހަރުގެ ސެޕްޓެމްބަރު މަހުގެތެރޭގައެވެ.
އެކަމާ ގުޅިގެން އޭރު އެޑިއުކޭޝަން މިނިސްޓްރީން ބުނެފައިވަނީ، ސޫރަތްތައް ނަގަނީ ބޭރުގެ އެޕްލިކޭޝަނަކުން ކަމަށާއި، އެކަންތައްތައް ހަރުދަނާކޮށް ދެވަނަ ފަހަރަށް މިފަދަކަމެއް ތަކުރާރުވިޔަ ނުދިނުމުގެ އިންތިމާޒުތައް އެމިނިސްޓްރީން ހަމަޖައްސަމުން ގެންދާނެ ކަމަށެވެ.
އެޑިއުކޭޝަން މިނިސްޓްރީން ބުނީ ފޮތްތައް ޗާޕުކުރުމުގެ ކުރިން އެންއައިއީ އަދި މިނިސްޓްރީ އޮފް އިސްލާމިކް އެފެއާރޒުން ބަލައި ޗެކްކޮށްފައިވާ ކަމަށެވެ.
