ދަރުމަވެރިންގެ ގޮތުގައި ޢަމަލީގޮތުން ޙަރަކާތްތެރިވާނެ ކޯޗުން ހޯދަން ސްޕެޝަލް އޮލިމްޕިކްސް (އެސް-އޯ މޯލްޑިވްސް) އިން އިއުލާން ކޮށްފިއެވެ.

އެސް-އޯ މޯލްޑިވްސް އިން ބުނީ އެ އެސޯސިއޭޝަނުން ކުރިއަށް ގެންދަން ބޭނުންވާ ކުޅިވަރުތަކުގައި ދަރުމަވެރިންގެ ގޮތުގައި ޢަމަލީގޮތުން ކޯޗުންގެ ގޮތުގައި ޙަރަކާތްތެރިވާން ޝައުގުވެރިވާ ފަރާތްތަކުން 1 ފެބްރުވަރީ 2022 ވާ އަންގާރަ ދުވަހުގެ 14:00 ގެ ކުރިން އެ އެސޯސިއޭޝަން އީ-މެއިލް މެދުވެރިކޮށް ސިޓީއެއް ހުށަހެޅުމަށެވެ.

އެގޮތުން ސިޓީއާއެކު ކުރިމަތިލާ ފަރާތްތަކުގެ ދިވެހި ރައްޔިތެއްކަން އަންގައިދޭ ކާޑުގެ ކޮޕީ، ސީވީ، ކޯޗިންގެ ދާއިރާއިން ލިބިފައިވާ ސެޓްފިކެޓުތައް، މިހާރު އެއްވެސް ތާކު ކޯޗުކަން އަދާ ކުރާނަމަ އެތަނެއްގައި ކޯޗުކަން އަދާކުރާކަމުގެ ލިޔުން އަދި މިނޫންވެސް މިކަމާ ގުޅުންހުރި ލިޔުންތައް ވެސް ހުށަހަޅަން ޖެހޭނެކަމަށް އެ އެސޯސިއޭޝަންއިނުން ބުނެފައިވެއެވެ.

އެސް-އޯ މޯލްޑިވްސްއިން ދަރުމަވެރިންގެ ގޮތުގައި ޢަމަލީގޮތުން ޙަރަކާތްތެރިވާނެ ކޯޗުން ހޯދާ ކުޅިވަރުތަކަކީ، ފުޓްބޯޅަ، ސްވިމިންގ، ބެޑްމިންޓަން، އެތުލެޓިކްސް އަދި ބާސްކެޓް ބޯލް އެވެ.

މިކަމާއި ގުޅޭ އިތުރު މަޢުލޫމާތު ހޯދު އެ އެސޯސިއޭޝަންގެ ނަމްބަރަށް ގުޅުމަށް އެސް-އޯ މޯލްޑިވްސްއިން ވަނީ އެދިފައެވެ.