ޑައިވިންއަށް ފޭބި ޓޫރިސްޓަކު ގެއްލިގެން ހޯދަނީ
ގެއްލިގެން ހޯދަމުންދަނީ އދ. މަންދޫ ކައިރި ފަރަކަށް ޑައިވްކުރަންދިޔަ “ގޮމަ”ނަމަކަށް ކިޔާ ދޯނިން ޑައިވިންއަށް ފޭބި ފަތުރުވެރިއެއް
ކޯސްޓް ގާޑް
ޑައިވިންއަށް ފޭބި ފަތުރުވެރިއަކު ގެއްލިގެން ހޯދަމުން ދާކަމަށް އެމްއެންޑީއެފުން ބުނެފިއެވެ.
އެމްއެންޑީއެފުން ބުނީ އދ. މަންދޫ ކައިރި ފަރަކަށް ޑައިވްކުރަންދިޔަ “ގޮމަ”ނަމަކަށް ކިޔާ ދޯނިން ޑައިވިންއަށް ފޭބި ފަތުރުވެރިންތަކެއް ތެރެއިން އެކަކު ގެއްލިގެން އޭނާ ހޯދުމުގެ މަސައްކަތް ކުރަމުންދާ ކަމަށެވެ.
އެމްއެންޑީއެފުން ހިއްސާ ކޮށްފައިވާ މައުލޫމާތުން އެނގޭ ގޮތުގައި، އެމީހުން ޑައިވިންއަށް ފޭބީ މެންދުރުފަހު 2:30 އެހާކަންހާއިރުއެވެ. އޭރު އޮއިވަރު ހުރީ ހުޅަނގު އުތުރަށެވެ.
ޓޫރިސްޓަކު ގެއްލިގެން އެމްއެންޑީއެފުން ހޯދަމުންދާ އިރު، މިއީ މިމަހުގެ ތެރޭގައި ކަނޑުމަތީގައި ހިނގި ހާދިސާތަކުގައި ގެއްލުނު ދެވަނަ މީހާ އެވެ. އެގޮތުން މިމަހުގެ ކުރީކޮޅު ތިން މީހުންނާއެކު ދަތުރުކުރަމުންދިޔަ ދޯންޏެއް ދިޔަވެ، އަޑިއަށް ގޮސް، އެ ދޯނީގެ ކެޕްޓަން ވަނީ ގެއްލިފައެވެ.
