އުތުރުގެ ރަށެއްގައި ކުޑަކުއްޖަކަށް އިހުމާލުވުމުގެ މައްސަލައެއް ފުލުހުން ބަލަން ފަށައިފިއެވެ.
ފުލުހުން ބުނީ، ހއ، ހދ އަދި ށ. އަތޮޅު ހިމެނޭ ސަރަހައްދުގެ ރަށެއްގައި 10 އަހަރުގެ ކުއްޖަކަށް އިހުމާލުވުމުގެ މައްސަލައެއް ފުލުހުންނަށް ހުކުރު ދުވަހުގެ ރޭ ހުށަހަށާފައިވާ ކަމަށެވެ. އަދި އެކަމާ ގުޅިގެން ބަލަންޖެހޭ ކަންކަން ބަލަމުން އަންނަ ކަމަށް ބުންޏެވެ.
އެ މައްސަލައަކީ ކުޑަ ކުއްޖެއްގެ މަސްލަހަތު ހިމެނޭ މައްސަލައެއް ކަމުން އެކަމުގެ އިތުރު ތަފްސީލެއް ފުލުހުން ހާމައެއް ނުކުރެއެވެ.
18 އަހަރުން ދަށުގެ ކުޑަކުދިންތަކެއްގެ މެދުގައި ހަމަނުޖެހުމެއް ހިނގި މައްސަލައެއްވެސް ހުކުރު ދުވަހުގެރޭ ފުލުހުންނަށް ހުށަހަޅާފައިވާ ކަމަށް ފުލުހުން ބުނެއެވެ. އެ މައްސަލައާ ގުޅިގެން ބަލަންޖެހޭ ކަންކަންވެސް އެ އިދާރާއިން ބަލަމުން އަންނަ އިރު، އެ މައްސަލައާ ގުޅޭ އިތުރު ތަފްސީލެއް ފުލުހުން ހާމައެއް ނުކުރެއެވެ.
