މުރައިދޫ ކައުންސިލުގެ އަންހެނުންގެ ހަތްވަނަ ވޮލީ މުބާރާތް ފެށިއްޖެ
މި މެޗު ކާމިޔާބުކޮށްފައިވަނީ ޖީނިއަސްއިން
މަލީހާ ރަޝީދު | 8 ޖެނުއަރީ 2022 | ހޮނިހިރު 15:18
މުރައިދޫގައި ކުރިއަށް ގެންދެވޭ ހަތްވަނަ އަންހެނުންގެ ވޮލީ މުބާރާތް
މުރައިދޫ ކައުންސިލްގެ އަންހެނުންގެ 7 ވަނަ ވޮލީ މުބާރާތް ފެށިއްޖެއެވެ.
މި މުބާރާތް ފަށާފައިވަނީ ޖެނުއަރީ 7 ވީ ހުކުރު ދުވަހުއެވެ. މި މުބާރާތުގައި ހަތަރު ޓީމެއް ވަނީ ބައިވެރިވެފައެވެ. އެއީ ވައިލްޑް ވިންގްސް، ޖީނިއަސް، ނީޑް ފޯރ ސްޕީޑް އަދި ޑިފެންޑަރސްއެވެ. އެގޮތުން މި މުބާރާތުގެ ފުރަތަމަ މެޗްގައި ބައްދަލު ކޮށްފައިވަނީ ވައިލްޑް ވިންގްސްއާއި ޖީނިއަސްއެވެ. މި މެޗް 3 ސެޓް 1 ސެޓުން ކާމިޔާބު ކޮށްފައިވަނީ ޖީނިއަސް އެވެ. މި މެޗްގެ އެންމެ މޮޅު ކުޅުންތެރިއަކަށް ހޮވިފައިވަނީ ޖީނިއަސްގެ ޖަރޒީ ނަންބަރު 6 އާއިޝަތު އިބާދާއެވެ.
މި މުބާރާތުގެ ފައިނަލް މެޗް ބޭއްވުމަށް ހަމަޖެހިފައިވަނީ ޖެނުއަރީ 14ވާ ހުކުރު ދުވަހުއެވެ.
