ރާއްޖެ
ބޯޓެއް އޮޔާދާތީ ސަމާލުވާން އެންގުން
ބަންޑުންޖަހާލާފައިވާ ލަންކާގެ މަސްބޯޓެއް ރާއްޖެއާ ކައިރިން އޮޔާދާތީ ސަމާލުވާން އެދިއްޖެ
އޮޔާއެކު ބޯޓު ޖެހެމުންދަނީ މާލެއަތޮޅާއި ފެލިދެއަތޮޅާ ދިމާލަށް
އުއްމު ކުލްސޫމް އިބްރާހިމް, ރާއްޖެ އެމްވީ | 7 ޖެނުއަރީ 2022 | ހުކުރު 16:53
ބަނޑުން ޖަހާލާފައިވާ މަސް ބޯޓު
ސްރީލަންކާގެ މަސްބޯޓެއް ބަންޑުންޖަހާލައި ރާއްޖެއާ ގާތުން އޮޔާދާތީ ކަނޑު ދަތުރުކުރާ ފަރާތްތަކުން ސަމާލުވުމަށް އެމްއެންޑީއެފުން އިލްތިމާސް ކޮށްފިއެވެ.
އެމްއެންޑީއެފުން ބުނެފައިވަނީ ސްރީލަންކާއިން މަސްވެރިކަމަށް ނުކުމެ އުޅުނު ބޯޓެ ބަންޑުން ޖަހާލައި އޮޔާއެކު އެބޯޓު ކައިރިވަމުން އަންނަ ކަމަށް ލަފާކުރެވެނީ މާލެއަތޮޅާއި ފެލިދެއަތޮޅާ ދިމާލަށް ކަމަށެވެ.
އެހެންކަމުން، އެ ސަރަހައްދުން ދަތުރުކުރާ ފަރާތްތަކުން އެކަމަށް ޚާއްސަ ސަމާލުކަމެއް ދިނުމަށް އެމްއެންޑީއެފުން ވަނީ އިލްތިމާސް ކޮށްފައެވެ.
