އެފްއެސްއެމްގެ ބާޖެއް ރަންނާޅި ރިސޯޓު ކައިރީ އޮތް ފަރަށް އަރައިފި
6 ޖެނުއަރީ 2022 | ބުރާސްފަތި 15:27ފަރަށް އަރާފައިވަނީ 24 މީޓަރުގެ ދިގު ބާޖެއް
އުއްމު ކުލްސޫމް އިބްރާހިމް | 6 ޖެނުއަރީ 2022 | ބުރާސްފަތި 15:27
އެފްއެސްއެމްގެ މެކުނު
ފިއުލް ސަޕްލައި މޯލްޑިވްސް (އެފްއެސްއެމް)ގެ ތެޔޮ ބާޖެއް ފަރަށް އަރައިފި އެވެ.
އެމްއެންޑީއެފުން ބުނީ އެ ބާޖު އަރާފައިވަނީ ކ. އަތޮޅުގައި ހިންގާ ރަންނާޅި ރިސޯޓު ކައިރީގައި އޮންނަ ފަރަކަށް ކަމަށެވެ. ބާޖު ފަރަށް އެރީ ބުދަ ދުވަހުގެ ރޭގެ ވަގުތެެއްގައި އެވެ.
އެއީ 24 މީޓަރުގެ ދިގު ބާޖެކެވެ. މި ހާދިސާގައި އެއްވެސް މީހަކަށް ގެއްލުމެއް ނުލިބެ އެވެ. އަދި ބާޖުން މިހާތަނަށް މޫދަށް ތެޔޮ ލީކުވެފައި ނުވާ ކަމަށް އެމްއެންޑީއެފުން ބުނެ އެވެ.
މިދިޔައަހަރުގެ ޖުލައިމަގެ ތެރޭގައިވެސް އެބާޖުވަނީ ފަރަކަށް އަރާފައެވެ. އެފަހަރު ފަރަށް އެރިއިރު 100،000 ލީޓަރުގެ ޑީސެލްއާއި 15،000 ލީޓަރުގެ ޕެޓްރޯލް ހުރި ކަމަށް އެމްއެންޑީއެފްއިން ބުނެފައިވެ އެވެ.
