ޒުވާނުންނަށް އަމާޒުކޮށްގެން އެސްޓީއޯއިން ތަމްރީނު ޕްރޮގްރާމެއް ފަށަނީ
މި ޕްރޮގްރާމުގެ ތެރެއިން 26 ޒުވާނުންނަށް ފުރުސަތު ލިބޭނެ
ޔޫތު މިނިސްޓްރީން އެސްޓީއޯއާއެކު އެއްބަސްވުމުގައި ސޮއިކުރުމަށް ބޭއްވި ރަސްމިއްޔާތުގެ ތެރެއިން
ޒުވާނުންނަށް މަސައްކަތުގެ މާހައުލުގައި ތިބެގެން ތަމްރީނާއި ތަޖުރިބާ ހޯދުމުގެ ފުރުސަތު ފަހިކޮށް ދިނުމަށް ޔޫތު މިނިސްޓްރީން އެސްޓީއޯއާއެކު އެއްބަސްވުމެއްގައި ސޮއިކޮށްފިއެވެ.
މިއީ ނެޝަނަލް އެޕްރެންޓިސްޝިޕްގެ ދަށުން ހިންގާ ޕްރޮގްރާމެކެވެ. އެގޮތުން 26 ޒުވާނުންނަށް މި ޕްރޮގްރާމުގެ ތެރެއިން ފުރުސަތު ލިބޭނެއެވެ.
އެސްޓީއޯއިން ބުނީ މި ޕްރޮގްރާމުގެ ބޭނުމަކީ މަސައްކަތުގެ މާހައުލުގައި ތިބެ، ތަޖުރިބާކާރުންގެ ބެލުމުގެ ދަށުން މަސައްކަތް ދަސްކޮށް، ތަމްރީނާއި ތަޖުރިބާ ހޯދުމުގެ ފުރުސަތު ގައުމީ ފެންވަރުގައި ހުޅުވާލުން ކަމަށެވެ.
އެސްޓީއޯގެ ތަމްރީން ޕްރޮގްރާމުގައި ބައިވެރިވާން ހަ ދާއިރާއަކުން ފުރުސަތު ހުޅުވާލާއިރު މި ތަމްރީނުތަކުގައި ހަ މަސް ދުވަސް ހޭދަކުރަން ޖެހޭނެއެވެ.
