އަލަމާ ދޯނި އަޑިއަށް ގޮސްގެން ގެއްލުނު 3 މީހަކު ހޯދަނީ
4 ޖެނުއަރީ 2022 | އަންގާރަ 04:21ދޯނި ދިޔަވީ ވ.ފުއްސަރުގެ ހުޅަނގު ދެކުނުން 4 ވަރަކަށް ނޯޓިކަލްމޭލު ބޭރުގައި އޮއްވައި
ދޯންޏަކުން ދަތުރުކުރި ބަޔަކު ގެއްލިގެން އެމްއެންޑީއެފުން ދަނީ ޙަރަކާތްތެރިވަމުން
ވ. ފުއްސަރު ކައިރިން 'އަލަމާ' ނަމަކަށް ކިޔާދޯންޏެއް، އަޑިއަށްދާ ކަމުގެ މަޢުލޫމާތު ލިބިގެން ކޯސްޓްގާޑުން ހަރަކާތްތެރިވާން ފަށައިފިއެވެ.
އެކަމާ ގުޅޭގޮތުން އެމްއެންޑީއެފުން ބުނީ، ފ.ފީއަލި ކައިރިން ފުރައިގެން މާލެއަށް ދަތުރުކުރި "އަލަމާ-05" ނަމަކަށް ކިޔާ ދޯންޏެއް ވ.ފުއްސަރުގެ ހުޅަނގު ދެކުނުން 4 ވަރަކަށް ނޯޓިކަލް މޭލު ބޭރުގައި އޮއްވައި ދިޔަވެ އަޑިއަށް ދާކަމުގެ މަޢުލޫމާތު ލިބިގެން އެމްއެންޑީއެފް ކޯސްޓްގާޑުން ހަރަކާތްތެރިވާން ފަށާފައިވާ ކަމަށެވެ.
މިހާދިސާގެ މަޢުލޫމާތު އެމްއެންޑީއެފް ކޯސްޓްގާޑަށް ލިބިފައިވަނީ ޖަނަވަރީ 3 ވަނަ ދުވަހުގެރޭ 23:22 ހާއިރުއެވެ.
މި ދޯނިން ދަތުރުކުރީ ތިން މީހުން ކަމަށް އެމްއެންޑީއެފުން ބުނެއެވެ. އަދި މިދޯނި ދަތުރު ކުރަމުން ދިޔައީ، ފ. ފީއަލީ ކައިރިން ފާނަ މަސްވެރިކަމުގައި އުޅޭ ދޯނިފަހަރުން ފާނަ ގަނެގެން މާލެއަށްކަމަށް ވެސް، މަޢުލޫމާތު ލިބިފައިވާކަން އެމްއެންޑީއެފުން ފާހަގަ ކުރެއެވެ.
މި އުޅަނދާއި މީހުން ހޯދުމަށްޓަކައި އެމްއެންޑީއެފް ކޯސްޓްގާޑުން މިހާރު ދަނީ ހަރަކާތްތެރި ވަމުންނެވެ.
