ފޯކައިދޫގައި ވޭސްޓްމެނޭޖްމަންޓް ސެންޓަރެއް އިމާރާތް ކޮށްދޭނެ ބަޔަކު ހޯދަނީ
އަންދާސީހިސާބު ހުށައެޅުމަށް ހަމަޖެހިފައިވަނީ 31 ޖަނަވަރީ 2022ގެ މެންދުރުފަހު 13:00ށް
ށ.ފޯކައިދޫ
ށ. ފޯކައިދޫގައި ވޭސްޓްމެނޭޖްމަންޓް ސެންޓަރެއް އިމާރާތް ކޮށްދޭނެ ފަރާތެއް ހޯދުމަށް އެރަށު ކައުންސިލުން އިއުލާން ކޮށްފިއެވެ.
ފޯކައިދޫ ކައުންސިލުން މައުލޫމާތު ދިންގޮތުގައި މިމަސައްކަތަށް ޝައުގުވެރިވާ ފަރާތްތަކުން ބީލަމަށް ރަޖިސްޓްރީ ވުމުގެ ފުރުސަތު 02 ޖަނަވަރީ 2022 ވާ އާދިއްތަ ދުވަހުން ފެށިގެން 9 ޖަނަވަރީ 2022 ވާ އާދިއްތަ ދުވަހުގެ 12:00 ގެ ނިޔަލަށް އޮތީ ހުޅުވާލާފައެވެ.
ރަޖިސްޓްރީވުމާއި ފީ ބަލައިގަތުން ކުރިއަށް ދާނީ ބަންދު ނޫން ކޮންމެ ދުވަހެއްގެ ހެނދުނު 8:00ން 12:00ށް ފޯކައިދޫ ކައުންސިލްގެ އިދާރާގައެވެ.
މިމަސައްކަތް ކުރުމަށް ޝައުގުވެރިވާ ފަރާތްތަކުން މައުލޫމާތު ސާފުކުރުން އޮންނާނީ 10 ޖަނަވަރީ 2012 ވާ ހޯމަ ދުވަހުގެ ހެނދުނު 10:30 ގައި ފޯކައިދޫ ކައުންސިލް އިދާރާގައެވެ. އަންދާސީހިސާބު ހުށައެޅުމަށް ހަމަޖެހިފައިވަނީ 31 ޖަނަވަރީ 2022 ވާ ހޯމަ ދުވަހުގެ މެންދުރުފަހު 13:00 ގެ ކުރިންނެވެ.
