ފޯކައިދޫގައި ފުޓްސަލް ދަނޑެއް އެޅުމުގެ މަސައްކަތް ކޮށްދޭނެ ފަރާތެއް ހޯދަނީ
މަސައްކުރުމަށް އެދޭ ފަރާތްތަކަށް ނަންނޯޓް ކުރުމުގެ ފުރުސަތު ވަނީ ހުޅުވާލާފައި
ށ.ފޯކައިދޫ
ށ.ފޯކައިދޫގައި ފުޓްސަލް ދަނޑެއް އެޅުމުގެ މަސައްކަތް ކޮށްދޭނެ ފަރާތެއް ހޯދުމަށް ފޯކައިދޫ ކައުންސިލުން އިޢުލާން ކޮށްފިއެވެ.
ފޯކައިދޫ ކައުންސިލުން ކޮށްފައިވާ ޢިޢުލާނުގައި ވަނީ މި މަސައްކަތަށް އެދި ބީލަމަށް ހުށަހެޅުމުގެ ފުރުސަތު ހުޅުވާލާފައެވެ. އެގޮތުން މި ފުރުސަތު ހުޅުވާލާފައިވަނީ ހަމައެކަނި ދިވެހިރާއްޖޭގައި ރަޖިސްޓްރީކޮށްގެން ހިންގޭ ވިޔަފާރިތަކަށެވެ.
މި މަސައްކަތް ކޮށްދިނުމަށް ހުށަހަޅާ ފަރާތްތަކުން ނަން-ރިފަންޑަބަލް ފީއެއްގެ ގޮތުގައި 500 (ފަސްސަތޭކަ) ރުފިޔާ ދައްކަން ޖެހޭކަމަށް އެ ކައުންސިލުން ހާމަކޮށްފައިވެއެވެ. ބީލަމުގައި ބައިވެރިވުމަށް ބޭނުންވާ ފަރާތްތަކުން 2 ޖަނަވަރީ 2022 ވަނަ ދުވަހުން ފެށިގެން 9 ޖަނަވަރީ 2022 ވަނަ ދުވަހުގެ ނިޔަލަށް ނަންނޯޓު ކުރުުމުގެ ކަންކަން ފުރިހަމަ ކުރުމަށް ކައުންސިލުން ވަނީ އެދިފައެވެ.
މީގެ އިތުރުން ނަންނޯޓް ކޮށްފައިވާ ފަރާތްތަކުން ޖެނުއަރީ 10 ވާ ހޯމަދުވަހުގެ ހެންދުނު 10:30ށް ފޯކައިދޫ ކައުންސިލް އިދާރާއަށް ހާޒިރުވެ މަޢުލޫމާތު ސާފުކުރުމަށްފަހު، ޖަނަވަރީ 31 ވާ ހޯމަ ދުވަހުގެ ހެނދުނު 10:30ށް އެ އިދާރާ އަށް އަންދާސީ ހިސާބު ހުށަޙެޅުމަށް ވެސް އެ އިދާރާއިން ވަނީ އެދިފައެވެ. އަންދާސީ ހިސާބު ހުށަހެޅުމަށް ބަދަލުގައި ބޭފުޅަކު ފޮނުވާނަމަ އެކަން ބަޔާންކޮށް ސިޓީއަކުން އެ އިދާރާއަށް ހުށަހަޅަން ޖެހޭނެ ކަމަށް ވެސް ކައުންސިލުން ބުނެއެވެ.
