ކުރީގެ ރައީސް އަބްދުالله ޔާމީންގެ ފަސް އަހަރުގައި ފޯކައިދޫގައި އެއްވެސް މަސައްކަތެއް ކުރިއަށް ނުދާ ކަމަށް އެރަށު ކައުންސިލްގެ ރައީސް އަހުމަދު އާސިފް ވިދާޅުވެއްޖެއެވެ.
ކޮމަންޑޫ ދާއިރާގެ ބައި އިލެކްޝަންގައި އެމްޑީޕީން ވާދަ ކުރައްވާ ކެންޑިޑޭޓް މުހައްމަދު ރާޝިދުގެ ކެމްޕެއިން ޖަލްސާގައި ފޯކައިދޫގައި ވާހަކަދައްކަވަމުން ކައުންސިލްގެ ރައީިސް އާސިފް ވިދާޅުވީ, ކުރީގެ ރައީސް ޔާމީން ފޯކައިދޫއަށް ވަޑައިގެން، އެމަނިކުފާނުގެ ވެރިކަމުގައި އެރަށުގައި މަޝްރޫއުތައް ހިންގެވިކަމަށް ވިދާޅުވި ނަމަވެސް އެއީ ތެދުފުޅެއް ނޫން ކަމަށެވެ.
އެމަނިކުފާނުގެ ވެރިކަމުގައި ފޯކައިދޫއިން ޚާއްސަ ޓީމެއް އެމަނިކުފާނާ ބައްދަލު ކުރުމަށް މާލެ ގޮސްގެންވެސް ބައްދަލުވެސް ނުވި ކަމަށެވެ. ފަސް އަހަރު ނިމިގެން ދިޔައިރުވެސް އެކަން ނުވިކަމަށް އާސިފް ވިދާޅުވިއެވެ. އަދި ފަސް އަހަރު ނިމިގެން ދިޔައިރު ފޯކައިދޫއަށް އެއްވެސް ކަމެއް ނުވާކަމަށް އާސިފް ވިދާޅުވިއެވެ. އޭރު ހަމައެކަނި އެދުނީ ބަނދަރުގެ މަސައްކަތް ކުރިއަށް ގެންގޮސް ދިނުމަށް ކަމަށާއި, އެކަންވެސް ނުވި ކަމަށެވެ.
އެހެންނަމަވެސް މި ސަރުކާރުގައި ފޯކައިދޫގައި އެތައް މަޝްރޫއުތަކެއް ކުރިއަށްދާ ކަމަށެވެ. އެގޮތުން މިހާރު ނަރުދަމާގެ މަސައްކަތާއި ބަނދަރުގެ މަސައްކަތް އާސިފް ފާހަގަ ކުރެއްވިއެވެ. އާސިފް ވިދާޅުވީ, މިހާރު އެހެރީ ބާ އިންޖީނުގެ ނިވާލަން ޖެހިފައިވާ ކަމަށާއި, އައު އިންޖީނުގެ މިހާރު އެހެރީ ނިމިފައި ކަމަށެވެ.
ރައީސް ޔާމީންގެ ސަރުކާރުގައި ކައުންސިލަށް ބަޖެޓްގެ ގޮތުގައި ލިބުނީ ހަމައެކަނި މުސާރަ ދެވޭވަރު ކަމަށާއި، އެހެންނަމަވެސް މިއަދު އެ މަންޒަރު ބަދަލުވެފައިވާ ކަމަށް އާސިފް ވިދާޅުވިއެވެ.
