މަނަދޫގައި ސިޓީ ހޮޓަލެއް އަޅަނީ
ހޯމް ސްޓޭ ޓޫރިޒަމް މ.ދިއްގަރުގައި ޖެނުއަރީ މަހު ތައާރަފްކުރުމުގެ އެންމެ ފަހުގެ ތައްޔާރީތައް މިހާރުވަނީ ނިމިފައި
މަނަދޫ ސިޓީ ހޮޓެލް އެޅުމަށް ބަޔަކާ ހަވާލުކުރުން
ނ. މަނަދޫގައި ފަތުރުވެރިކަން ތަރައްގީކުރުމަށް ސިޓީ ހޮޓެލްއެއް ހެދުމުގެ އެއްބަސްވުމުގައި ސޮއިކޮށްފިއެވެ.
މި އެއްބަސްވުމުގައި ސޮއިކުރެއްވީ ޓޫރިޒަމް މިނިސްޓްރީއާއި "ސްޓޯން ހޮޓެލްސް މޯލްޑިވްސް ޕްރައިވެޓް ލިމިޓެޑް" އާ ދެމެދުއެވެ. މި އެއްބަސްވުމުގައި ޓޫރިޒަމް މިނިސްޓްރީގެ ފަރާތުން ސޮއިކުރެއްވީ އެ މިނިސްޓްރީގެ ޕާރމަނަންޓް ސެކްރެޓަރީ ފާޠިމަތު ނިލްފާއެވެ. ސްޓޯން ހޮޓެލްސް މޯލްޑިވްސް ޕްރައިވެޓް ލިމިޓެޑްގެ ފަރާތުން ސޮއެކުރެއްވީ އެ ކުންފުނީގެ ޑިރެކްޓަރ އައްބާސް މުޙައްމަދުއެވެ.
މިނިސްޓްރީ އޮފް ޓޫރިޒަމްގައި ބޭއްވި މިރަސްމިއްޔާތުގައި ރައްޔިތުން މަޖިލީހުގެ މަނަދޫ ދާއިރާގެ މެމްބަރ އަޙްމަދު ހާރޫނާއި ޓޫރިޒަމް މިނިސްޓަރ ޑރ. އަބްދުﷲ މައުސޫމް ވެސް ބައިވެރިވެ ވަޑައިގެންނެވިއެވެ. މިއީ 132،000 އަކަފޫޓުގެ ބިމެއްގައި މަދުވެގެން 50 ކޮޓަރި ހިމެނޭ ގޮތަށް 30 މަސްދުވަހުގެ ތެރޭގައި ނިންމުމަށް ހަވާލުކުރެއްވި މަސައްކަތެކެވެ.
މި މަސައްކަތް 2024 ވަނަ އަހަރުގެ ޖުލައި މަހުގެ ކުރިން ނިމިގެންދާނެކަމަށް ޓޫރިޒަމް މިނިސްޓްރީން ވަނީ ހާމަކޮށްފައެވެ.
ރާއްޖޭގައި ފަތުރުވެރިކަން ފުޅާކުރުމަށް ކުރަމުން އަންނަ މަސައްކަތުގެ ދަށުން، ހޯމް ސްޓޭ ޓޫރިޒަމް މ. ދިއްގަރުގައި ޖެނުއަރީ މަހު ތައާރަފްކުރުމުގެ އެންމެ ފަހުގެ ތައްޔާރީތައް މިހާރުވަނީ ނިމިފައެވެ.
