އައްޑޫސިޓީގެ މަގުމަތީ ބާޒާރު އޮގަސްޓު 3 ވަނަ ދުވަހާ ހަމައަށް ކުރިއަށް ގެންދަން ނިންމައިފި

އައްޑޫސިޓީގެ މަގުމަތީ ބާޒާރު އޮގަސްޓު 3 ވަނަ ދުވަހާ ހަމައަށް ކުރިއަށްގެންދަން ނިންމައިފިއެވެ.

ޖުލައި 26 ވަނަ ދުވަހާއި ގުޅިގެން ފަށާފައިވާ މަގުމަތީ ބާޒާރުގެ މުއްދަތު އިތުރުކުރަން ނިންމާފައި ވަނީ ގިނަ ރައްޔިތުންގެ އެދުމުގެ މަތިންކަމަށް އައްޑޫ ސިޓީގެ ރަށްތަކުގެ ވިޔަފާރިވެރިން ބުނެއެވެ.

އައްޑޫ ސިޓީގެ ސ ފޭދުގެ ބޮޑުމަގުގައި ފަށާފައިވާ މަގުމަތީ ބާޒާރަކީ، އައްޑޫ ސިޓީގެ ހުރިހާ ރަށްތަކުގެ ވިޔަފާރިވެރިން ފަށަފާއިވާ މަގުމަތީ ބާޒާރެކެވެ. އައްޑޫ ސިޓީގެ ވިޔަފާރިވެރިން އޮގަސްޓު 3 ވަނަ ދުވަހާ ހަމައަށް މަގުމަތީ ބާޒާރުގެ މުއްދަތު އިތުރުކޮށްފައި ވަނީ މޫސުން ނުދިނުމުގެ ސަބަބުން ކަމަށް ވިޔަފާރިވެރިން ވަނީ ބުނެފައެވެ.