ރައީސް ޔާމީން ނިލަންދޫއަށް ވަޑައިގަންނަވަނީ!
22 ޑިސެމްބަރު 2021 | ބުދަ 12:40އެރަށުގެ ކައުންސިލް މެމްބަރުންނާއި އާއްމު ރައްޔިތުންނާ ބައްދަލުރައްވާނެ
ރައީސް ޔާމީން މިނިވަންވުމާ ގުޅިގެން އެމަނިކުފާނުގެ ސަޕޯޓަރުން އުފާފާޅުކުރަނީ
ކުރީގެ ރައީސް އަބްދުﷲ ޔާމީން ފ. ނިލަންދޫއަށް ވަޑައިގެންނެވުމަށް ހަމަޖެހިއްޖެއެވެ.
ޕީޕީއެމްއިން ބުނީ، އިންޑިއާ އައުޓް ކެމްޕޭނަށް ރައީސް ޔާމީން ނިލަންދޫއަށް ވަޑައިގަންނަވަނީ ޑިސެމްބަރ 23ވާ ބުރާސްފަތި ދުވަހުގެ ވަގުތެއްގައި ކަމަށެވެ. މިދަތުރުފުޅުގައި އެރަށުގެ ކައުންސިލް މެމްބަރުންނާއި އާއްމު ރައްޔިތުންނާ ބައްދަލުރައްވާ ގޮތަށް ހަމަޖެހިފައިވެއެވެ. އަދި ރައްޔިތުންނަށް ދިމާވެފައިވާ ދަތިތައް އޮޅުންފިލުއްވާނެ ކަމަށް މައުލޫމާތު ލިބެއެވެ.
ރައީސް ޔާމީން ނިލަންދޫއަށް ވަޑައިގެންނެވުމަށް ހަމަޖެހިފައިވާތީ, ރައްޔިތުންގެ މަޖިލީހުގެ ހޯރަފުށީ ދާއިރާގެ ކުރީގެ މެންބަރު މުހައްމަދު އިސްމާއީލްގެ ހަވާލުގައި އެޑްވާންސް ޓީމެއް އެރަށަށް ގޮސްފައިވާކަމަށް މައުލޫމާތު ލިބެއެވެ.
ރައީސް ޔާމީން ފ. އަތޮޅަށް ވަޑައިގަންނަވާތީ ގިނަ ބައެއްގެ ފާޑު ކިޔުން އެމަނިކުފާނަށް އަމާޒުވެފައިވެއެވެ. އެއީ ރައީސް ޔާމީންގެ ވެރިކަމުގައި ފ. އަތޮޅުގެ ބައެއް ވިއްކާލުމަށް މަސައްކަތް ކޮށްފައިވާ ކަމަށް ބުނެއެވެ.
މިއީ ރައީސް ޔާމީން ޖަލުން މިނިވަންވެވަޑައިގަތްފަހުން އަތޮޅުތެރެއަށް ކުރައްވާ ދެވަނަ ދަތުރުފުޅެވެ. އެންމެ ފުރަތަމަ ދަތުރުފުޅު ކުރައްވާފައިވަނީ ކ. އަތޮޅަށެވެ. އެ ދަތުރުފުޅުގައި ސިޔާސީ އެކިއެކި ހަރަކާތްތައް ބާއްވައި، ކައުންސިލްތަކާ ބައްދަލުކުރައްވައި މަޝްވަރާ ކުރެއްވިއެވެ. އަދި އިންޑިއާ އައުޓް ކެމްޕޭންގެ ހަރަކާތްތައްވެސް ކުރިއަށް ގެންގޮސްފައިވެއެވެ.
