އެމްޕީއެލްގެ ޗެއާމަނަކަށް ސެންކޯ ޝަރީފް އައްޔަންކޮށްފި
18 ޑިސެމްބަރު 2021 | ހޮނިހިރު 08:16ޝަރީފަކީ 2019 ވަނަ އަހަރުން ފެށިގެން އެމްޕީއެލްގެ ބޯޑު މެމްބަރެއް
ކެޕްޓަން މުހައްމަދު ޝަރީފް
މޯލްޑިވްސް ޕޯޓްސް ލިމިޓެޑް (އެމްޕީއެލް)ގެ ޗެއާމަނަކަށް ކުރީގެ މަޖިލިސް މެމްބަރ، ކެޕްޓަން މުހައްމަދު ޝާރީފް (ސެންކޯ ޝަރީފް) އައްޔަންކޮށްފިއެވެ.
2019 ވަނަ އަހަރުގެ ފެބްރުއަރީ ހަވަނަ ދުވަހުން ފެށިގެން އެމްޕީއެލްގެ ބޯޑު މެމްބަރެއްގެ ގޮތުގައި ހުންނެވި ޝަރީފް މި މަގާމަށް އައްޔަންކުރީ ރައީސް އޮފީހުން ޝަރީފުގެ ނަން ފޮނުވުމުން ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ) އިންނެވެ.
ޝަރީފު ވަނީ 2005 ވަނަ އަހަރުން ފެށިގެން 2011 ވަނަ އަހަރާ ހަމައަށް ރައްޔިތުންގެ މަޖިލީހުގެ ތ. އަތޮޅު މެންބަރުކަން ކުރައްވާފައެވެ. މީގެ އިތުރުން، 1986ން 2005ށް ޝަރީފު ވަނީ ރާއްޖޭގެ ގައުމީ ޝިޕިންގ ކުންފުނި އެމްއެސްލްގައި ވެސް މަސައްކަތް ކުރައްވާފައެވެ. ޝަރީފަކީ ދިވެހިރާއްޖޭގެ ކަނޑު ދަތުރުފަތުރުގެ ދާއިރާގައި އެންމެ ތަޖުރިބާކާރު އެއް ކެޕްޓަނެވެ.
