މާލެ ކައިރިއަށް ކޮޅުވެއްޓިއެއް ބަންޑުން ޖަހާލައި މީހަކު މަރުވެއްޖެ އެވެ.

އެމްއެންޑީއެފް އިން ބުނީ އެމްޕީއެލް ބަނދަރު ސަރަހައްދު ކައިރިން ކޮޅުވެއްޓި އެއް ބަންޑުން ޖަހާލައިގެން އުޅޭކަމުގެ މައުލޫމާތު ލިބިގެން އެމްއެންޑީއެފް އިން ހަރަކާތްތެރިވެފައިވާ ކަމަށެވެ. ކޮޅުވެއްޓި ބަންޑުންޖަހާލީ އެއަށް މުދާތަކެއް ބަރުކުރަމުން ދަނިކޮށް އާދީއްތަ ދުވަހުގެ ހަވީރުގެ ވަގުތެއްގަ އެވެ.

ފުލުުހުން ބުނީ މި ހާދިސާ ހިނގާފައިވަނީ ހަވީރު 3:44 ހާއިރު ކަަމަށާއި، 6 މީހަކަށް އަނިޔާ ވެގެން އައިޖީއެމްއެޗް އަށް ފަރުވާދޭން ގެންދެވުނު ކަމަށެވެ. މީގެ ތެރޭގައި ހިމެނެނީ 2 ބިދޭސީންނާއި 4 ދިވެހިންނެވެ. ފުލުހުން ބުނީ ކޮޅުވެއްޓީގައި ޖުމްލަ 14 މީހުން ތިިބި ކަމަށާއި، އެ އެންމެން ވެސް ފެނިފައިވާ ކަމަށެވެ.

އަދި އަނިޔާވި މީހުންގެ ތެރެއިން ބޮޑެތި އަނިޔާތަކެއް ލިބި ހާލު ސީރިއަސްވި ބިދޭސީ މީހާ މަރުވެފައިވާ ކަމަށް ފުލުހުން ބުނެ އެވެ. މަރުވީ ބަންގްލަދޭޝް އަށް ނިސްބަތްވާ 32 އަހަރުގެ މައްސޫދު ހޮސައިން އެވެ.