އެމްޕީއެލްގެ 'ޕޯޓް ސޭފްޓީ ރަން' ގައި ބައިވެރިވުމަށް ހުޅުވާލައިފި
17 ޑިސެމްބަރު 2021 | ހުކުރު 01:35މި ދުވުން ފަށާނީ ޑިސެމްބަރ 31 ވަނަ ދުވަހުގެ ހެނދުނު 6:30 ގައި
އެމްޕީއެލްގެ ޕޯޓް ސޭފްޓީ ރަން އިފްތިތާހުކުރުން
މޯލްޑިވްސް ޕޯޓްސް ލިމިޓެޑް (އެމްޕީއެލް) އިން ބާއްވާ 'ޕޯޓް ސޭފްޓީ ވީކް ރަން' ގައި ބައިވެރިވުމުގެ ފުރުސަތު ހުޅުވާލައިފިއެވެ.
ކުޑަކުދިންގެ ހައްގުގައި ވަކާލާތު ކުރާ އެޑްވޮކޭޓިންގ ދަ ރައިޓްސް އޮފް ޗިލްޑްރަން (އާކް) އާއި އެމްޕީއެލްގެ އިތުރުން އެހެނިހެން ބައެއް ފަރާތްތަކާއެކު، މުޖުތަމަޢުގެ ސަލާމަތާއި ރައްކާތެރިކަމަށް ހޭލުންތެރިކަން އިތުރުކުރުމުގެ ގޮތުން ބާއްވާ މި ދުވުން އިފްތިތާހުކޮށްފައި ވަނީ ބުރާސްފަތި ދުވަހުއެވެ.
ފަސް ކިލޯމީޓަރުގެ މި ދުވުމުގައި ޓީޝާޓު ވިއްކުމަށް ވަނީ ހަމަޖެހިފައެވެ. އަދި ޓީޝާޓް ވިއްކައިގެން ލިބޭ ރުފިޔާ އާކް މެދުވެރިކޮށް ކުޑަކުދިންގެ ރައްކާތެރިކަމަށް ހިންގާ ކެމްޕޭންތަކަށް ބޭނުންކުރާނެއެވެ.
ހުޅުމާލޭ ސެންޓްރަލް ޕާކު ސަރަހައްދުން މި ދުވުން ފަށާނީ ޑިސެމްބަރ 31 ވަނަ ދުވަހުގެ ހެނދުނު 6:30 ގައެވެ.
މި ދުވުމުގައި ބައިވެރިވާން ބޭނުންވާ ފަރާތްތަކަށްhttps://t.co/GwwQPwvkxYމި ލިންކު މެދުވެރިކޮށް ދުވުމަށް ރަޖިސްޓްރީ ކުރެވޭނެއެވެ. މި ދުވުމާ ގުޅޭ އިތުރު މައުލޫމާތު 9858685 ނުވަތަ 7926226 އަށް ގުޅުމުން ލިބޭނެ ކަމަށް އެމްޕީއެލް އިން ބުނެއެވެ.
